鍾培生林作記者會火藥味十足 百萬擂台戰將於9月舉行

鍾培生林作記者會火藥味十足 百萬擂台戰將於9月中舉行
鍾培生林作記者會火藥味十足 百萬擂台戰將於9月中舉行

富三代鍾培生與林作嘅「林鍾大戰」講咗超過半個月,去到今日終於有進展。今日3點,林作前往鍾培生嘅寓所舉行記者會交待詳情,席上二人均穿上西裝,林作全程以搞笑作風回答問題,而鍾培生就充滿霸氣同望都冇望過林作一眼,火藥味十足。

喺記者會上,林作亦表示自己一定會尊重賽事,同埋最緊要係打一場精彩賽事。佢亦表示希望打贏,對自己有信心。多謝鍾培生俾足夠時間佢去練習,有信心9月成為一個拳手,仲笑話到時可以周街「挑機」,到時唔止賺100萬,可以賺1000萬。林作更聲稱自己有才華及出名「上手快」,又指最近煲咗好多拳賽嘅劇。另外,林作仲話已經邀請向柏榮師傅教打拳,下個星期開始訓練。

而鍾培生指如果自己認真打,10秒就可以K.O佢。被問到會唔會打死人,鍾培生就話林作有向師傅教應該唔會死,仲話原本諗住搵殯儀館做贊助,但而家搵輪椅贊助比較合適。之後林作就話:「我嘅成就就係唔需要任何成就,都可以坐喺呢度!」鍾培生聽完之後即刻問佢啲自信喺邊度嚟。

之後,林作被問到係唔係代表人人都可以俾人打,佢就搞笑回應:「人人都可以俾人打,冇錯。同人打交隻抽都係我哋各自嘅自由,我係會捍衛。只不過出場費要計清楚,100萬就打硬,30萬就未必。」鍾培生就即刻話:「佢嘅人生無論讀咁多書做咁多嘢都好,今日就可以坐喺我隔離,佢嘅價值就係俾人打。」林作再話覺得呢個故事勵志同正面,同埋覺得自己人生最大嘅成就係今日,所以覺得好感動。喺呢個時候,鍾培生喺隔離聽到擰晒頭。

呢個百萬擂台戰將於9月舉行,場地待定。而拳賽將分為4回合決鬥,每回合兩分鐘進行,合約簡要如下:

1. 賽事為拳擊形式進行
2. 賽事以4回合,每回合2分鐘進行
3. 鍾培生出賽限重,量秤於賽事前一天內舉行
4. 鍾培生的量重在量秤時超越合約所規定重量(可於一個半小時間減至合約所指重量,如無法守約,則對手可以直接獲判技術勝出。唯雙方可在協商後依照安排比賽,超重一方須賠償對手每0.5KG港幣10,000元。而林作則不設此限。

5. 配帶拳套為10盎司
6. 鍾培生同意無論賽事結果,均需於賽後向林作支付表演/出賽費用港幣一百萬元整(HKD$1,000,000)
7. 合約各方免除合約各方因拳擊賽事引致拳手之死亡及/或受傷的任何責任,包括但不阻於所有日後之法律追討賠償等,拳手亦承諾不能向主辦方及/或有關人士單位追討。

8. 但如林作違反合約包括但不限於無法出席賽事,則鍾培生無需支付上述款項,林作需賠償期間所有宣傳支出。

鍾培生
鍾培生
鍾培生
鍾培生
林作
林作
林作
林作

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!