鍾柔美Yumi睇《Barbie芭比》戲院內影相出IG Story 網民鬧爆
由瑪歌羅比(Margot Robbie)及賴恩高斯寧(Ryan Gosling)主演嘅真人版電影《Barbie芭比》 全球公映後大受歡迎,唔少人都紛紛買飛入場支持,當中包括TVB「聲夢小花」After Class成員鍾柔美(Yumi),不過作為演藝人嘅佢竟然喺戲院內打卡,並將結局位嘅相片上載到IG Story,結果被網民鬧爆。
喺噚日(7日),鍾柔美喺IG Story上載一張影住《Barbie芭比》 結局位嘅相片,除咗加上可憐眼神表情及心心Eomji之外,仲tag埋華納兄弟及《Barbie芭比》。之後,Yumi知道自己行為不當,已經將Story火速刪除,及上載寫有「My deeply apologise Sorry」嘅IG Story道歉。不過一班網民就表示唔受落,紛紛留言鬧爆:「人品要幾差同IQ要幾低先會戲院做呢d野」、「宜家啲細路真係好鍾意將自己啲犯罪證據放上網」、「犯法就要拉!」、「犯法就係犯法 講sorry 就代表當冇事發生? 點都要比啲教訓佢」、「仲要tag埋華納官方係咩玩法」、「如果咁都無事 個個都學佢咁影相呃like啦」及「呢單野真係勁白痴 平時自拍下咪算囉」等等,同時亦有網民認為佢唔係特登,可以原諒佢,例如「雖然係教壞人 但情有可原 罰下錢算啦」、「佢tag埋華納 擺明真係唔知 講到佢有心咁」、「道左歉 收手啦 她只是個孩子」及「細路女唔識野姐 又未夠18你想點樣啊」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!