鍾舒漫勝訴 陳潔玲黐訪問做被斥冇禮貌

·4 分鐘文章
鍾舒漫勝訴 陳潔玲黐訪問做被斥冇禮貌
鍾舒漫勝訴 陳潔玲黐訪問做被斥冇禮貌

歌手鍾舒漫(Sherman)與前港姐陳潔玲去年涉生意糾紛,Sherman入稟向對方追討4萬元,期間2人不時在網上爆發罵戰,事件擾攘一年,今日在西九龍法院大樓的小額錢債審裁處就案件進行裁決。Sherman於早上9時10分在男友林灝軒及胞妹鍾舒祺陪同下現身,而陳潔玲與老公謝趠汎約7分鐘後到達。最後Sherman獲判勝訴,陳潔玲被裁定未有履行拆夥協議,需賠償$43,560及訢訟費$1,183予Sherman,陳潔玲表示不會上訴。期間Sherman投訴對方於8月3日在法庭內偷拍她,但陳潔玲否認有此事,審裁官提醒庭內不容許拍攝,Sherman若有需要可就此事報警。

Sherman獲判勝訴。
Sherman獲判勝訴。
Sherman(右)希望件事完咗就唔好再有戲劇性嘢發生。
Sherman(右)希望件事完咗就唔好再有戲劇性嘢發生。

離開時,Sherman與舒祺接受訪問,講到心情,Sherman表示:「一件咁小事搞咗成年,個案件其實好簡單,我都有信心。周邊發生咗好多戲劇性事情令全家都好攰,希望完咗就唔好再有戲劇性嘢發生。(令你驚咗唔再同人做生意?)唔會,上咗一課,自己會小心啲,各方面了解對方背景先。(贏咗覺得如釋重負?)希望件事真係完就如釋重負。」

此時,陳潔玲與老公突然出現,並要求一齊做訪問,舒祺直接開口拒絕:「唔好,你真係唔受歡迎。」但陳潔玲未有理會並自說自話,舒祺直斥:「你咁樣做真係好冇禮貌。」兩姊妹無奈地走到一邊,獨留陳潔玲夫婦做訪問。

點知陳潔玲(黃衫)就忽然出現話想一同受訪。
點知陳潔玲(黃衫)就忽然出現話想一同受訪。

騎劫訪問成功的陳潔玲發表感受說:「對於剛才嘅裁決我係明白同尊重,我同鍾小姐喺溝通上有好多誤會。」她指一直都願意承擔責任賠錢給對方,但對方的男友拒絕和解,又承認自己情緒波動大及EQ低,令大家都受到傷害。問到為何之前在庭上拒絕和解?她解釋:「我和解同依家畀嘅金額都唔係差好大,我抱住一個學習心態,想知大家爭拗啲乜。」問到會否覺得強行插入做訪問沒禮貌?她即時道歉,又話願意就今次對簿公堂而當面向Sherman道歉,站在遠處的Sherman稱心領,不想走近對方。

陳潔玲承認自己犯錯說:「鍾小姐,過去一年大家互相傷害到此為止,一件咁細嘅事唔需要拗咁耐,如果有個執念係自己懲罰自己,我唔會對任何人有憎恨,希望佢唔好有執念同憎恨。我當初同佢溝通唔好,令佢受到傷害,我願意同佢道歉,我只係普通人,唔叻同人溝通,脾氣又唔好。」說罷便夫婦倆離開。

最後佢公開同Sherman道歉。
最後佢公開同Sherman道歉。
又話唔叻同人溝通,脾氣又唔好。
又話唔叻同人溝通,脾氣又唔好。

對於陳潔玲的舉動,Sherman坦言:「我都估唔到,好戲劇性,佢經常對我哋做好多莫名其妙嘅事。(你接唔接受佢道歉?)佢真心道歉,我接受,重要係真心,希望佢將來唔好咁做人。(佢叫你放低執念?)係邊個對邊個有執念?係佢唔想放過我哋,佢同外界講我騷擾佢,但其實係冇,好多嘢係佢自發性去做,我哋好被動。」講到賠償金額,她強調不是錢的問題:「只係想對方負責,係個公義。其實個官兩次叫我和解,我都願意收一半錢就得。」問她會否開香檳慶祝?她笑言日日都飲:「可能會同家人食餐好,對家人有個圓滿答案。」另外,講到她向法庭投訴對方在法庭上偷拍她,她稱不會就此事報警。問到因此事而朋友反目會否感可惜?她說:「做朋友要睇值唔值得,本來同Victor(謝趠汎)係朋友,都好失望。今次睇到好多關係,但我身邊好多朋友都係冇得頂。透過呢件無聊事,上咗人生一課,之後會小心啲。」

Sherman指唔會就法庭被陳潔玲偷拍而報警。
Sherman指唔會就法庭被陳潔玲偷拍而報警。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能