防脫髮變勁脫髮 絲打用錯洗頭水變火雲邪神

19+

 

 

雖然而家保住條命緊要,冇咩事又唔駛出街,

但係頭髮有問題搞到脫髮,冇人想!

有連登網友爆料話,朋友喺髮型用品店聽店員推介,

買咗一支西班牙防脫髮洗頭水,點知用完就又痕又腫,

仲瘋狂甩頭髮,第一日已經冇咗一大執。

過咗一個禮拜,直頭變咗《功夫》入面嘅火雲邪神咁……

呢位絲打睇完醫生,估計佢嘅頭皮灼傷咗,只可以等頭髮慢慢生返。

 

睇完個post,唔少人都好驚訝呢支洗頭水功效「犀利」,

防脫髮變勁脫髮,仲戥當事人慘。

 

但係都有好多網友覺得件事有可疑,

例如影出嚟支洗頭水用咗好多,如果只係用咗一次就咁傷,

冇理由剩返3分之1咁少。

亦有「神探」從頭髮分界位,估計幾張脫髮當事人並唔係同一個人。

 

不過同一個post就引來唔少用錯方法護髮嘅過來人分享,

有人用梘洗頭止頭油,有人建議點洗頭先好。

 

如果嗰位絲打真係咁唔好彩,我祝你生機勃勃啦。

原post傳送門

你可能還想看