【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢

【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢

今晚TVB首播嘅《陀槍師姐2021》,雖然有「陀槍師姐」牌頭,但係今輯主角已經由歐陽震華、關詠荷、蔡少芬等,換上陳豪同宣萱,能夠同前幾輯劇情有聯繫嘅只有滕麗名飾演嘅陳三元。睇返「陀槍」前4輯,滕麗名雖然係「女二」,但係劇中陳三元嘅經歷好多時都係劇情緊張之處,呢個角色堪稱電視史上最苦命女警!

《陀槍師姐》(1998)

【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢
【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢
【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢
【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢

1995年起,香港女警開始需要佩槍執勤,因此衍生「陀槍師姐」嘅主題。陳小生(歐陽震華 飾)係警界神槍手,姪女陳三元係頭幾批要「陀槍」嘅女警,佢更加喺畢業無耐就開槍阻截疑犯,因此要暫時調去文職部門,所以結識到朱素娥(關詠荷飾)。素娥離婚後決定轉返出前線,並且認識陳小生。而三元就同上司程峰(魏駿傑 飾)由敵對關係漸漸變成情侶。

因為《刑事偵緝檔案》系列嘅成功,開啟呢種人物感情線+查案嘅劇種,《陀槍師姐》可以話係《刑偵》女裝版,呢輯劇情側重情感同女角性格,反而幾受歡迎,平均收視35點,難怪第二輯接住開拍。

《陀槍師姐II》(2000)

【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢
【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢

第一輯反應好再斬四兩,但係要配合另一重頭劇《創世紀II 之天地有情》於是排到差唔多2年後先出街。延續2條感情線,當然會出現情海翻波,於是陳小生同娥姐分開之後,遇上鄰居沈翹(姚瑩瑩 飾)仲發展感情。程峰同三元因為工作時有爭拗,婚姻出現問題。不過最爆嘅一定係三元被的士色魔強姦一幕,睇到觀眾咬牙切齒,嗰一節仲係全年收視最高。全劇平均收視36點成為年度亞軍,僅僅輸俾當年另一套大熱劇《十月初五的月光》。

《陀槍師姐III》(2001)

【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢
【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢

今集主要變動係冇咗約滿離巢嘅關詠荷,女主角由蔡少芬(飾演衛英姿)接任。程峰同三元成為父母,但繼續因為家庭事業而有爭執,編劇繼續「虐待」三元,「安排」佢同程峰嘅囝囝嘉嘉俾綁匪捉走兼殺害,更成為程峰同三元婚姻破裂導火線。《陀槍師姐2021》有陳豪做飛虎隊型男,但係阿Mo喺呢輯已經現身,不過係做旺角話事人,而呢種唔連戲嘅情況亦發生喺李成昌身上。前4輯李飾演程峰嘅重案組下屬頂爺,但喺2021年版竟然做咗黑幫坐館。

《陀槍師姐IV》(2004)

【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢
【陀槍師姐2021】前四輯回顧 滕麗名被姦兼喪子最震撼 拍足咁多集嘅仲有佢

正如第二輯咁,點都要加啲感情枝節搞啲考驗,於是加入林文龍同蒙嘉慧分別令小三同英姿離離合合。程峰同三元和好,亦無因為工作再拗撬,但係三元今輯嘅不幸遭遇係……程峰為咗查案而遇襲失蹤,結局劇情話搵得返,不過《陀槍師姐2021》嘅三元就交代程峰過咗身。呢輯演三元個女嘉嘉嘅童星係黃美棋,而2021年版會搵返美棋BB飾演成年嘅嘉嘉。滕麗名以外,另一位貫穿5集《陀槍師姐》系列嘅,係飾演三元阿媽嘅朱咪咪。

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!