《陀槍師姐2021》「Hang基」關曜儁曾被嫌肥考訓練班3次先成功 決心做大隻仔成星級教練

·3 分鐘文章
關曜儁
關曜儁

無綫新劇《陀槍師姐2021》正在播映中,今輯由原班人馬滕麗名,加上宣萱、陳豪及羅子溢主演,而風格亦同以往幾輯有所不同,加入唔少輕鬆搞笑元素,唔知大家覺得好唔好睇呢?雖然唔少網民覺得主角太老,不過其實劇中配角都用上唔少新人,例如飾演羅子溢好兄弟「Hang基」嘅關曜儁。

淨係睇個名關曜儁(原名:關梓陽),大家可能未必知道佢係邊個。現年27歲嘅關曜儁,佢嘅入行經歷一啲都唔容易,佢考咗3次先入到藝員訓練班,第一次嘅原因係評判認為佢太肥。正正因為呢個原因令關曜儁發憤圖強,決心做健身運動操fit自己。就算佢當時人工只有$5000,佢都決定拎一部份出嚟跟朋友學健身,就算最初唔能夠成功加入娛樂圈,但就令佢獲得一個健身教練牌,而且佢更曾經奪得「第一屆華南地區男子運動模特泳裝 S 組」嘅亞軍。身為星級教練嘅佢,張振朗及朱敏瀚更係佢嘅健身學生,現時關曜儁抱乎一個期望,就係希望推廣全民運動,努力宣揚健身運動。

除咗發展健身事業之外,佢當然冇放棄咗藝員啦!2015年訓練班畢業入行後,參與過唔少劇集拍攝,例如:《愛·回家》、《一屋老友記》、《迷》、《誇時代》、《降魔的》及《堅離地愛堅離地》等等,雖然絕大部分都係閒角,不過就令佢過足戲癮!今次佢喺《陀槍師姐2021》嘅戲份唔算少,仲同羅子溢有唔少對手戲,最新講到Hang基(關曜儁飾)為上位自動請纓舉手幫大佬浩南(林敬剛飾)暗殺Danny仔 (鄭俊弘飾),不過最終係由華Dee(羅子溢飾)抽中生死籌去執行呢個任務,Hang基唔想連累兄弟,於是去搵老大求情,結果被毒打。其後浩南被捕,佢哋就成為忠少(洪永城飾)嘅手下,負責睇住一個偏僻嘅小巴站,仲因為咁而認識咗茶餐廳老闆娘盈盈(鄧佩儀飾)。對於今次有份參與《陀槍師姐2021》,關曜儁就話自己好興奮,更睇咗好多電影做功課及專誠搵戲劇導師詹瑞文教戲,非常認真,所以話努力嘅人一定得到別人賞識。

《陀槍師姐2021》劇照
《陀槍師姐2021》劇照
《陀槍師姐2021》劇照
《陀槍師姐2021》劇照
《陀槍師姐2021》劇照
《陀槍師姐2021》劇照
《陀槍師姐2021》劇照
《陀槍師姐2021》劇照
關曜儁
關曜儁
關曜儁
關曜儁
關曜儁
關曜儁
關曜儁
關曜儁
關曜儁
關曜儁
關曜儁
關曜儁

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!