陳偉琪拜師做神婆

東方日報
·2 分鐘文章
陳偉琪對玄學有興趣,有意趁疫情少工開去拜師學藝。
陳偉琪對玄學有興趣,有意趁疫情少工開去拜師學藝。

「細龍太」陳偉琪受疫情打擊,近月外快收入急降,保守估計6位數見財化水,加上早前自爆追求者身在外地,互動減少,似乎事業與愛情同受打擊,難怪日前搵「高人」密謀對策,更有意拜師學藝增值!

雖然曾放洋留學,陳偉琪卻篤信風水命理,堪稱「摩登神婆」,機緣巧合下認識玄學家張芯熏,想不到一拍即合,不時相約茶敍。陳偉琪趁日前不用拍攝《愛.回家之開心速遞》,即爭取時間相約好友Shopping傾偈。當日下午2時,兩人戴口罩現身金鐘的商場,邊行邊傾雞啄唔斷,未幾齊齊走進名店化妝品部左揀右揀,不到半小時已購入心頭好,並移步往附近咖啡廳坐下慢慢研究。

掃粉色化妝品旺桃花

席間,陳偉琪掏出化妝品與師傅試塗,張芯熏不時說話指點,她則默默點頭回應。其後,師傅在其面上又篤又摸,再取出一封利是交給陳偉琪,二人細聲講大聲笑,氣氛不錯,傾約兩小時才結帳離開。

事後,陳偉琪受訪承認近日因收入大減而擔心:「所以我劈頭就問師傅今年財運點,佢叫我唔使太擔心,吩咐我要專心工作,因為仲未遇到真姻緣。(陪你買化妝品?)佢話粉色系化妝品會催旺我嘅桃花,即係人緣,呢啲顏色我平日冇用開,依家點都要試!」又自言對玄學及奇門遁甲十分有興趣,希望趁疫情拜師學藝自我增值:「師傅都讚過我有慧根,要多啲相信自己嘅直覺,再Tune吓嘅話都唔係好難上手。」

陳偉琪孖住師傅張芯熏掃化妝品催運,大有收穫。
陳偉琪孖住師傅張芯熏掃化妝品催運,大有收穫。
兩人坐低慢慢研究,陳偉琪獲贈利是,內有玄機?
兩人坐低慢慢研究,陳偉琪獲贈利是,內有玄機?