陳楨怡做主持 緊張過選美

·1 分鐘文章
陳楨怡驚到失眠,時時刻刻都顧住背稿。
陳楨怡驚到失眠,時時刻刻都顧住背稿。

應屆港姐亞軍陳楨怡昨日到將軍澳電視城出席大型慈善騷的拜神活動,透露首次做慈善騷司儀,心情緊張:「仲緊張過選港姐!尋晚瞓唔着,驚講錯啲主席名,所以努力背稿,我喺屋企係咁練,妹妹、媽咪、男朋友都識背我啲稿。(驚唔驚好似謝嘉怡咁講錯嘢,疑似爆粗?)如果講錯就會扮冇事繼續講。」提到夥拍汪明荃等做司儀,她坦言有壓力:「全部係前輩,所以要做好啲,亦會向佢哋偷師。」

同場的JW於1年內減了21磅,她說:「因為疫情期間太放肆,依家拍劇就瘦番晒,好多衫褲都着得番。之前着唔到嗰啲我會留番,希望可以有日着番,好似依家着緊呢條牛仔褲,其實上年都扣唔到鈕!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能