陳瀅巴黎時裝周造型大炒車 性感黑Bra透視裝到金色燈籠袖裙變車禍現場

陳瀅（Jeannie）於TVB台慶劇《美麗戰場》飾演阿寶，身為女主角嘅佢竟缺席早前劇集記者會，原來係飛到法國出席巴黎時裝周；陳瀅透露早已向公司請假兩星期，又澄清自己推劇傳聞。陳瀅嘅穿搭造型一向大膽性感；出席巴黎時裝周期間，陳瀅不時於社交平台分享以唔同造型睇騷同穿梭巴黎街頭嘅照片，不過就被指時裝車禍，有部分造型更將其身型缺點表露無遺。

陳瀅準備咗多套服裝出席巴黎時裝周，過足模特兒癮。其中一套透視裝扮吸引唔少在場攝影師和龍友包圍拍攝，陳瀅穿上布滿珠片嘅透視背心，內襯黑色Bra Top及長褲，披上黑色皮褸，性感火熱，搶盡焦點；陳瀅後來更加脫下皮褸，於巴黎鐵塔下留影，不過如果將照片與影片作對比，照片似乎經過美圖處理，影片則可看到其腰部線條比較明顯。

另外，陳瀅穿著金色連身短裙捧場時裝騷，不過比起透視裝，呢次造型出現眾多劣評，成為最炒車衣著；其燈籠袖顯得身型極橫極大份，加上絲綢材質及裙款剪裁將身型缺點表露無遺，例如肚腩、象腿等等。而其實，陳瀅已非首次憑穿搭惹人注目，早於2019年巴黎旅行期間，陳瀅穿上一套大露背吊帶裙，疑似真空上陣，而服裝款式就被指似足肚兜，睇嚟陳瀅往往到巴黎時，總會嚟個「大解放」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！