陳美齡東京4千萬豪宅曝光 樓高4層歐陸式裝潢連私人升降機
66歲陳美齡(Agnes)70年代憑甜美外貌及歌聲紅遍亞洲,多年來身兼歌手、演員、作家、大學教授等多重職業,而今年正正係陳美齡喺日本出道50周年,其日本公司除咗為佢推出新歌及舉行演唱會,又將佢從初出道嘅黑膠唱片全數重新製作成CD推出。陳美齡喺樂壇闖盪半個世紀全靠一份堅持,佢又認為自己嘅歌曲可以永遠留存在世,已經係做歌手最大嘅恩賜。
除唱歌方面得到認同,陳美齡另一樣令人佩服嘅地方就係自己本身係史丹福大學教育學博士,而三名兒子亦先後從史丹福大學畢業。被譽為「史丹福媽媽」嘅陳美齡由三名兒子細個開始已鼓勵佢哋閱讀圖書,從而培養閱讀興趣,不過佢會從孩子態度與性格著手,唔會過份執着考試成績;陳美齡亦時常拍片分享育兒心得,表示小朋友仲細未必懂得用正確方法表達自己,家長唔應該隨便打罵,而係要耐心溝通。
好多媽媽都對陳美齡育兒之道好有興趣,但亦有網民將重點放於陳美齡影片中嘅豪宅背景,陳美齡現居於東京澀谷高級住宅區廣尾町,豪宅樓高4層;據悉,購入當年市值6億日圓(港幣逾4,000萬元)。豪宅採用歐陸式裝潢,客飯廳分隔明顯,客廳面佔約1,100平方呎,另外仲有7間房與室內升降機、大型水晶吊燈,歐式壁爐、羅馬柱等等,而陳美齡曾分享,所有傢俬都係香港訂造,再運送到日本。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!