陳詩欣「好事」曝光被阿媽逼供

東方日報
·2 分鐘文章
陳詩欣搶輸花球,仍然是朋友的取笑話題。
陳詩欣搶輸花球,仍然是朋友的取笑話題。

陳詩欣在余香凝的婚禮上搶輸花球被友人取笑,她笑謂已經很努力搶花球,只是穿了高踭鞋跳不起來。說到與男友睇樓疑似築愛巢,她笑言報道曝光後,連母親也向她連番追問。

藝人陳詩欣、陳庭欣、彭慧中等昨日在將軍澳電視城出席《big big shop超級感謝祭 x 台慶員工大優惠》記者會,眾人即場試食花膠、鮑魚等珍饈。陳詩欣近日為余香凝結婚做姊妹,惜搶輸花球被吳若希等友人取笑,她笑說:「唔係我問題,我已經好努力,因為着咗高踭鞋跳唔起,下次可能要着波鞋先得。」

陳詩欣講到被拍得與男友睇樓,被問到是否受閨蜜感染好事近?她笑說:「身邊人仲心急過我,男友有去婚禮,都好多人問佢,我就冇壓力,怕佢有壓力。(有冇結婚計劃?)情侶之間一定有講,報道出咗街連阿媽都打畀我,以為我瞞住佢,結婚順其自然啦!(買樓同居試婚?)未,樓價真係好貴,要繼續努力先。」

陳庭欣最愛煲湯

陳庭欣被問到平日可有為男友親自下廚?她說:「有呀,最鍾意煲湯,簡單啲,自己又鍾意飲湯。因為疫情多咗喺屋企煮食,都會上網睇煮食節目學嘢。(男友有冇讚?)梗係有,唔讚就冇得再食。」陳庭欣自爆屋企的工人姐姐亦偶有蝦碌事,她笑說:「張敬軒嘅工人姐姐犀利好多,我個姐姐都只係將啲啤酒放入紅酒櫃啫,哈哈。」

一眾出席藝人有食神,得以享用花膠鮑魚等美食。
一眾出席藝人有食神,得以享用花膠鮑魚等美食。