陳豪Man住低能 宣萱笑到癲喪NG

東方日報
·1 分鐘文章
宣萱自爆與陳豪拍攝時十分開心笑不停!
宣萱自爆與陳豪拍攝時十分開心笑不停!

宣萱、陳豪、洪永城與鄧佩儀等,昨日出席無綫新劇《陀槍師姐2021》宣傳活動,陳豪表示不擔心與過往系列比較:「呢個系列係經典,再拍係好事,畀大家重新認識,我好贊成每隔10年翻拍一次。」宣萱則自爆拍攝時十分開心,笑個不停:「癲到監製要我收番少少!呢套劇係我自《難兄難弟》以嚟最多NG嘅一套劇,未開機已經笑,因為陳豪個樣好Man,但就要做啲好低能嘅動作,加上我笑點低,笑到其他人已經笑唔出!」

鄧佩儀冧洪永城

洪永城劇中跟鄧佩儀、羅子溢有段三角戀,鄧佩儀笑言角色心中只有洪永城,那豈非很難演?她識做地說:「好易演,佢有個好大嘅優點,就係幽默。」至於張嘉兒則跟許紹雄飾演夫婦,有床上戲之餘更要色誘對方。

此外,對於劇集突然被安排明天播出,無綫高層杜之克解釋:「因為唔止無綫播,仲要協調好多嘢,過程需時。」談及曾志偉回歸無綫,他讚對方是有心人,相信會帶動新創作。洪永城則讚志偉與王祖藍有創意,可將內地綜藝經驗帶到公司,希望有機會合作。

鄧佩儀心中只有洪永城,原來只係劇情需要!
鄧佩儀心中只有洪永城,原來只係劇情需要!