陳霈錤打定輸數 郭珮文衰笑容唔夠

賽前身材成焦點的郭珮文及陳霈錤於港姐決賽雖然殺入五強，但可惜最終未能獲獎，事後兩人受訪，不約而同表示沒有失望，郭珮文表示：「已經好開心，超額完成，都知自己有好多不足。」陳霈錤亦指沒想過奪獎，只享受過程，對於宣布冠軍時，不少現場觀眾大嗌她的號碼，會否令她在那一刻覺得自己會贏？她謂：「我當時嘅心情係希望快啲完，因為想除咗高踭鞋同屋企人返屋企食嘢，所以宣布一刻係興奮嘅，可以快啲返屋企，同埋知道有好多人支持自己都開心嘅。」

問郭珮文覺得自己為何會輸？她謂：「應該係笑容不足，但呢幾個月都覺得自己進步好大。（會唔會入行？）有機會都想。（社恐好番？）好咗好多。（頭先有冇緊張到捽手？）唔知，都有捽一、兩下啩。」本身是小學教師的陳霈錤亦坦言想入行：「乜嘢演藝工作都想試。」郭珮文則指想拍劇及做飲食節目，因自己好喜歡食嘢。