陸永做男一 不負責任 李佳芯摸盈盈胸 嗌爽

·2 分鐘文章
李佳芯於劇中飾演女僕、美少女、骨妹及地盤工人,夠晒百變。
李佳芯於劇中飾演女僕、美少女、骨妹及地盤工人,夠晒百變。

視后李佳芯於新劇化身機械人,自爆摸馮盈盈心口好爽,但被麥美恩「抽水」就大叫尷尬。而首度擔正的陸永形容拍親熱戲似急救,又因冇得「撳胸」有微言,並自嘲是甘草演員,零收視壓力。

無綫新劇《智能愛人》即將播出,一眾演員李佳芯(Ali)、陸永、馮盈盈、簡淑兒等,昨日現身電視城出席宣傳活動,Ali以露腰機械裝現身,問到是否希望為收視不理想的《刑偵日記》收復失地?她說沒有想太多,但要對自己有信心。

她透露劇中有多個造型迎合觀眾,更會被陸永人工呼吸:「已經算係好親密,仲畀麥美恩摸心口!畀人摸原來咁尷尬,摸人開心好多,我有摸番盈盈。」而盈盈笑說是逼Ali「揩油」:「係我捉住佢隻手感受我嘅心跳。」陸永則自認是最尷尬的人:「睇住麥美恩撳Ali心口,再見到Ali同盈盈互撳,3個人喺度撳嚟撳去都唔關我事!(你羨慕?)咁又唔係,哈哈!」

接吻戲 冇感情

陸永及盈盈恃住有Ali坐鎮,笑言冇收視壓力,前者接住笑說:「大家睇都係睇佢啫!我就盡量唔想畀人知我有份做。(首套男一點解要收收埋埋?)男一又有乜所謂?我就嚟40,去到甘草年紀,唔求呢啲虛名,哈哈!」他於劇中艷福無邊,Ali、盈盈輪住錫,他爆笑形容全部只是人工呼吸程度,毫無感情可言,跟盈盈的所謂床上戲,亦只是蓋被傾偈。

陸永與馮盈盈有不少親熱戲,不過僅屬小兒科。
陸永與馮盈盈有不少親熱戲,不過僅屬小兒科。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能