【電影LOL】唔係《12夜》續集 《12日》敲定鄧麗欣馬志威主演

20年前由林愛華編劇及執導嘅《12夜》，由張柏芝、陳奕迅主演，當年上映時票房平平，口碑反而於落畫後發酵，成為年青影迷經典！早前電影公司舉行《12夜》二十周年重映，導演接受訪問時敍述唔少幕後花絮，仲透露有寫好《12日》劇本！

當時林導提及《12夜》係後生情侶嘅愛情故事，而《12日》就講比愛情更深嘅關係，故事圍繞一對籌備婚禮嘅情侶，期間想分開又分唔開，最後再次走埋一齊。當時消息一出，令好多觀眾期待。

最近電影《12日》落實拍攝，而且確認主角人選！《12日》將由中女代表鄧麗欣及新晉男神馬志威主演。鄧麗欣近年無再做「阿寶」，不過演戲越來越好睇，由《空手道》嘅平川真理、《藍天白雲》嘅警探到《金都》中做婚妙店嘅莉芳，甚至最近期同Mirror成員一齊拍嘅劇集《男排女將》，Stephy同角色融為一體，現實與理想中糾結，堅持同時不失軟弱，絕對係最佳中女代言人！

而男主角馬志威一出道就喺電影《第一次不是你》中擔任男主角，之後拍過《瑪嘉烈與大衛系列－前度》中飾演情深DJ，又拍過TVB劇《荷里活有個大老千》飾演「螳螂」一角。不過最多人知應該係佢於內地劇《三十而己》嘅演出，劇中飾演有錢有外型但花心唔定性嘅ABC，同女主角江疏影愛恨糾纏，角色設定唔多討好，反而成功彈出！

暫時未知《12日》上映日期，而《12日》唔係《12夜》嘅續集，一定係全新故事，不過相隔廿年，可以睇到林愛華導演再次演譯現代愛情觀，值得期待！

更多電影文章

【電影LOL】今個星期睇咩戲 《小飛俠與愛麗絲：魔幻奇緣》《呃love天團》《末世戰疫》《入住兇宅請敲門》

【電影LOL】《尋秦記》電影版預告 影視展率先曝光 古天樂旗下天下一超多新作

【電影LOL】奧斯卡提名公布 《少年的你》爭國際電影獎 《Do Not Split不割席》入圍最佳紀錄短片

【電影LOL】Hello Kitty進軍荷里活大電影 搵動畫界高手撐起編導

【電影LOL】今個星期睇咩戲 《一秒拳王》《Tom & Jerry 大電影》《魔龍王國》《髮噩夢》《愛在末路之境》

【電影LOL】香港國際電影節 戲院網上同步進行 《風再起時》《七人樂隊》成開幕電影

【電影LOL】Netflix史上最貴新片 The Gray Man公布班底 《柏捷頓家族》男神有份

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！