電影LOL︳黑幫大佬變煮飯公 日漫《極道主夫》拍完劇集再上大銀幕

做足成個星期，菜又買唔到、friends又唔見到心情麻麻，唯有weekend睇返啲輕鬆搞笑嘢減下壓！改編自日本漫畫家おおのこうすけ同名漫畫嘅日劇《極道主夫》，由日劇《大叔的愛》導演瑠東東一郎執導，玉本宏主演嘅日劇版，喺2020年上映時大受歡迎，長期於票選「我最喜愛劇集」榜單上佔一席位。

《極》雖然叫劇集，不過更加似單元短劇，一集幾個短篇章十足睇漫畫咁，唔駛追劇情，集集睇住男主角「不死之龍」有黑幫大佬唔做改行做家庭主夫，用心用力煮飯買餸打掃家居，仲好精打細算買餸識格價！

話說阿龍同美久結婚後，因為太太唔擅長家務，煮飯仲有啲難食，所以決定金盆洗手。由於做過大佬嘅氣場揮之不去，加上面有刀疤兇神惡煞，明明用心睇住頭家控制開支平衡，買到平嘢開心微笑，結果嚇到隔離阿姐打冷震、攞刀劏魚被誤以為執行家法行刑中！

因為阿龍大佬氣場同實際行為反差極大而引起超多笑料，玉木宏俾力演出誇張情節，靚仔搞笑寧舍好睇。《極》大受歡迎，連劇入面阿龍成日著住嘅狗仔圍裙都成為熱賣商品！

劇集收得，順理成章推出電影版！據聞《極》電影已經開咗機，由原班人馬玉木宏、川口春奈、志尊淳等再次回歸上演，佢哋3人仲齊齊以角色造型錄咗宣傳片段，公佈電影版喜訊！而曾經喺劇集客串又好搶鏡嘅竹中直人、稻森泉、玉城Tina、Megumi、安井順平、古川雄大等人亦會於電影版登場！

《極道主夫》電影版預計今年夏天於日本上映。

更多電影文章

電影LOL︳似科幻片多過卡通 《光年正傳》預告片曝光 巴斯光年終於係太空英雄

電影LOL︳奧斯卡提名公布 《沙丘瀚戰》十項提名演員冇份 Lady Gaga影后五強不入 古天樂監製動畫入圍爭獎

電影LOL︳台灣賀歲片冠軍 《我吃了那男孩一整年的早餐》台式青澀浪漫美味

電影LOL︳史匹堡爆seed一年2套新戲上畫 半自傳The Fabelmans搵名導David Lynch演出

電影LOL︳《蜘蛛俠》相關人物陸續登場 《魔比煞》4月上映 《格雷》索女演蜘蛛夫人

電影LOL︳水行俠Jason Momoa加入《狂野時速10》 網友︰終於有個男角有頭髮

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載