電影LOL︳史匹堡爆seed一年2套新戲上畫 半自傳The Fabelmans搵名導David Lynch演出

金獎大導史提芬史匹堡作品一部接一部，年頭有翻拍經典《夢斷城西》（West Side Story)，年尾11月美國感恩節又有新作The Fabelmans上映。新作故事大綱仍然保密，不過據知情人士透露，電影取材自史匹堡導演嘅童年經歷！

史匹堡繼《人工智能》（A.I. Artificial Intelligence)後相隔20年再次執筆，同《慕尼黑》、《西城故事》編劇Tony Kushner撰寫劇本，The Fabelmans算係導演半自傳電影，暫時未知電影選取導演邊幾件童年大事，但肯定同佢日後成為導演有莫大關係！

幕後大腦有保証，幕前已公開主演名單亦相當吸引。電影男主角Sammy Fabelman將由《鐵血戰士：血獸進化》小鮮肉Gabriel LaBella主演，《情迷夢露7天》、《毒魔》女星Michelle Williams及《書中字有夢女神》性格男星、《蝙蝠俠》新版「謎語人」Paul Dano會飾演佢父母。

《賤鄰》男星Seth Rogen會做佢uncle，而係《從前有個荷里活》好搶鏡嘅小妹妹Julia Butters會飾演Sammy個妹。咁都未夠，外媒The Variety報導將有勁爆巨星加入！

呢位巨星就係大導演大衛連治（David Lynch）！大衛連治執導作品《失憶大道》（Mulholland Drive）曾被BBC選為「21世紀100部最偉大電影」首位，上年更獲奧斯卡金像獎頒發終身成就獎，地位備受肯定！

近年鮮有執導電影嘅大衛連治，將會客串史匹堡導演新作，暫時未公佈其戲份及角色，出入片場都未被發現，保密功夫做到足！據聞今次唔止現身，佢仲會出動佢把磁性靚聲為The Fabelmans錄旁白。2位傳奇大導碰頭會擦出咩火花呢？

更多電影文章

電影LOL︳《蜘蛛俠》相關人物陸續登場 《魔比煞》4月上映 《格雷》索女演蜘蛛夫人

電影LOL︳水行俠Jason Momoa加入《狂野時速10》 網友︰終於有個男角有頭髮

電影LOL︳畢列谷巴轉型做埋幕後 新片自編自導自演婚後出櫃百老匯才子

電影LOL︳上訴成功！《波西傑克森》開拍電視劇 原著作家親自參與編劇

電影LOL︳《無聲絕境》創作才子新作拍小男孩故事 搵「死侍」同「前上司」Steve Carell幫手

電影LOL︳兩大荷里活人氣王 美國隊長Chris Evans拍The Rock演新片 等做佳節檔期票房冠軍

電影LOL︳邦女郎 Ana 舊作被cut戲 Fans為4蚊告Amazon索償500萬 導演解釋︰觀眾唔buy

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載