電影LOL︳《無聲絕境》創作才子新作拍小男孩故事 搵「死侍」同「前上司」Steve Carell幫手

·2 分鐘文章

演而優則導嘅John Krasinski憑《無聲絕境》系列成為荷里活片廠Paramount新寵,由佢編劇導演、其太太Emily Blunt主演嘅《無》,第1、2集於疫情期間上映,無論評價及票房皆錄得佳績,系列鐵定開拍第3集外仲落實拍外傳,有計劃發展成大IP。

系列大賺自然有say,John Kransinski最新作品唔係《無聲絕境3》,而係自編自導自演喜劇IF。同為Paramount片廠出品,電影前名叫Imaginary Friends,顧名思義講述小男孩重新發掘其想像力嘅故事。

IF搵嚟憑《農情家園》贏得美國影評人最佳年輕演員、年僅9歲嘅Alan Kim,以及於《陰屍路》中飾演Judith嘅Cailey Fleming做主角。近日電影陸續公佈其他主演陣容,個cast非常吸引!

自編自演講盡中女心聲慘中帶笑嘅Fleabag女星Phoebe Waller-Bridge及《哈利波特》做Harry mean爆阿姨嘅Fiona Shaw確定加入。另外仲有金像最佳男配角得主、《保衛奇俠》男星Louis Gossett Jr加盟。

而近年以賤格爛gag王《死侍》上位嘅Ryan Reynolds亦落實參與演出,不過最驚喜反而係演出名單中有Steve Carell!Steve 近年拍《為副不仁》、《獵狐捕手》、《孤注一擲》等劇情片多,除咗幫《壞蛋獎門人》配音外,鮮見佢有喜劇作品。

其實佢早年憑美國老牌綜藝SNL成名,之後拍過大量喜劇《特務S嘜》、《嚟多件衰鬼上帝》(2007年)等,仲因為劇集The Office嘅無腦經理角色成為金球視帝,IF嘅主腦John Kransinski喺The Office飾演Steve Carell其中一個下屬,今次電影將係2人繼The Office後相隔9年再度合作!

以上位位演員都喜感十足,好期待擦出爆笑火花!

更多電影文章

電影LOL︳兩大荷里活人氣王 美國隊長Chris Evans拍The Rock演新片 等做佳節檔期票房冠軍

電影LOL︳邦女郎 Ana 舊作被cut戲 Fans為4蚊告Amazon索償500萬 導演解釋︰觀眾唔buy

電影LOL︳《盜火線》終於有續集 小說8月有得睇 隨時拍成電影網劇

電影LOL︳蝙蝠俠超人陸續換人 DC漫畫英雄電影再重啟

電影LOL︳電影評論學會大獎《智齒》《殺出個黃昏》成大贏家 年度推薦片單多達十套創近年新高

電影LOL︳花姐都話正 台灣男神許光漢 新片有齊BL鬼怪推理喜劇元素

電影LOL︳X! 荷里活新勢力A24最新恐怖片 後生仔拍4仔變血腥大屠殺

電影LOL︳巨星班底轉人腳?「對稱大師」Wes Anderson搵男神Benedict拍新片

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能