電影LOL︳邦女郎 Ana 舊作被cut戲 Fans為4蚊告Amazon索償500萬 導演解釋︰觀眾唔buy

·2 分鐘文章

瘋狂粉絲有好多種,美國就有對「邦女郎」Ana De Armas狂迷為偶像不惜同大片廠開戰告上法庭!據外媒Variety報導,日前38歲Conor Woulfe及44歲Peter Michael Rosza入稟法院,控告串流平台Amazon誤導觀眾,要求500萬美元賠償。

事緣2位影迷喺平台睇到由Danny Boyle執導嘅《緣來自昨天》預告片,片段見到「邦女郎」Ana De Armas有份演出,決定用3.99美金租嚟睇,結果戲睇完但Ana一個鏡頭都無憤而提告,指Amazon借Ana嘅名氣、美貌吸客,有心欺騙顧客要求賠500萬!

《緣》講述英國海邊小鎮的唱作人Jack(Himesh Patel飾)浮沉樂壇,喺一個全球神秘停電夜晚,Jack意外被巴士撞傷昏迷,醒返發現世界上少了一樣東西 — 傳奇樂隊「披頭四(The Beatles)」,他們「被消失」,除了Jack,無人知道佢哋嘅存在!

Jack憑當披頭四所有金曲做自己作品,加上金牌經理人嘅催谷一炮而紅!不過名利令Jack同佢唯一知音、青梅竹馬嘅Ellie(Lily James飾)漸行漸遠,佢決定尋回「昨日」真愛!

戲中原本有一段Jack上名嘴James Corden節目,席間即時作首歌比同場由Ana De Armas飾演嘅明星Rosanne聽,憑歌冧爆咗Rosanna即刻出哂粉紅泡泡!不過呢part最後成段剪哂,編劇Richard Curtis解釋過因為試片觀眾反映唔like Jack同其他女人曖昧,所以就算Ana表現出彩,都忍痛剪走佢戲份!

呢單官司就算打得成怕且都唔值賠500萬美金,不過因為夠無聊成為網上熱話,唔少美國網友笑言如果告得入首先要告《007:生死有時》,因為Ana戲份太少,另外有人話所有無Ana參與嘅電影都要告,亦都有網友和議明白click咗入去睇足2個鐘都唔見Ana嘅憤怒!

2位影迷又唔駛咁躁嘅,Ana依家咁紅戲約不斷,排住隊有羅素兄弟新片The Gray Man,又會於Blonde飾演一代性感女神瑪麗蓮夢露,大把Ana睇!

更多電影文章

電影LOL︳《盜火線》終於有續集 小說8月有得睇 隨時拍成電影網劇

電影LOL︳蝙蝠俠超人陸續換人 DC漫畫英雄電影再重啟

電影LOL︳電影評論學會大獎《智齒》《殺出個黃昏》成大贏家 年度推薦片單多達十套創近年新高

電影LOL︳花姐都話正 台灣男神許光漢 新片有齊BL鬼怪推理喜劇元素

電影LOL︳X! 荷里活新勢力A24最新恐怖片 後生仔拍4仔變血腥大屠殺

電影LOL︳巨星班底轉人腳?「對稱大師」Wes Anderson搵男神Benedict拍新片

電影LOL︳真係靜靜雞贏 《無聲絕境》收得 同時開拍第3集同前傳

電影LOL︳鍊贏《艾蜜莉在巴黎》Lily Collins Rooney Mara 演柯德莉夏萍傳

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能