雅虎香港新聞 電影LOL︳鍊贏《艾蜜莉在巴黎》Lily Collins Rooney Mara 演柯德莉夏萍傳
較早前傳聞「美國隊長」Chris Evans將會主演著名歌舞片巨星真基利後，荷里活落實開拍另一傳奇影星柯德莉夏萍(Audrey Hephurn）傳記電影，並由《龍紋身的女孩》Rooney Mara飾演呢位氣質非凡嘅巨星。
電影將由《以你的名字呼喚我》意大利導演Luca Guadagnino執導、《電流戰爭》編劇Michael Mitnick執筆。柯德莉夏萍主演過多套叫好叫座電影包括《龍鳳配》、《窈窕淑女》及《珠光寶氣》等，多個經典角色造就佢成為時裝icon，演員身份外熱心公益，擔任聯合國兒童基金大使，四出演講及探訪，絕對人美心善。
暫時未知電影會包攬其一生定係節錄一部份，外媒New York Post透露電影集中描述柯德莉夏萍拍攝《珠光寶氣》時期，不過無講故事取材來源，但一定無問柯德莉夏萍嘅家人，其長子Sean Ferrer最近受訪時表示對有關其母親嘅傳記片完全唔知情！
好彩阿仔無註冊柯德莉夏萍個名，亦唔會告電影公司侵權，反而知道Rooney Mara將會飾演夏萍後表示欣喜，仲話套戲充滿愛（Rooney is a delight. Sound like there is a lot of love there)咁話！
傳奇電影選角往往好多爭議，要外形似又要神韻似，選角消息一出網路有唔少Lily Collins 迷抗議，因為Lily出道至今多次被指似柯德莉夏萍，喺最近人氣爆燈嘅《艾蜜莉在巴黎》以多個造型向夏萍致敬，佢班fans認為Lily咩都做過，就係差一套柯德莉夏萍相關電影！
傳記片又唔係「娛樂插班生」，唔係似就得，而且Lily Collins憑《艾》大紅，劇集確定開拍第3、4季，忙到未必有時間接演傳記片。又或者佢根本從來無爭過角色，因為套戲Ronney Mara會做埋監制，由佢主演好正常！
更多電影文章
電影LOL︳第79屆金球獎低調頒獎 《魷魚遊戲》001吳永秀奪最佳男配角 李政宰無緣視帝
電影LOL︳Chris Evans唔做美國隊長做監製 盛傳飾演Singing in the Rain男星Gene Kelly
電影LOL︳《我的野蠻女友》導演新作《緣來大飯店》係韓版Love Actually?
電影LOL︳2021香港片票房十大 MIRROR成員佔2套 《蜘蛛俠：不戰無歸》吸金過億成年度冠軍
電影LOL︳狂拍爛片「跑數」翻生 尼古拉斯基治新片瘋狂抽自己水
電影LOL︳澤東電影30年回顧短片《零點零一公分的距離》內地平台優先睇 點解同雞蛋有關？
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
