電影LOL︳台灣賀歲片冠軍 《我吃了那男孩一整年的早餐》台式青澀浪漫美味

受疫情影響，香港今年再次無咗賀歲檔，仲要等多陣先有得睇Edan主演嘅《闔家辣》或者「男B」陳湛文主演嘅《飯氣攻心》。至於疫情相對較輕嘅台灣，今年賀歲檔冠軍《我吃了那男孩一整年的早餐》一樣充滿青春活力，首映一日收咗600萬台幣，短短幾日收咗3000萬票房！

電影講述17歲、高二的項微心（李沐 飾）視吃為人生最重要也是最療癒的事，而她第一次跟學長陶宥全（周興哲 飾）相遇，就係在學校嘅小食部。當時項微心少了5塊錢，買不了最愛的菠蘿麵包，陶宥全幫佢俾，令佢深感欠咗學長人情。

第二日佢喺學校游泳池邊目擊陶宥全想同劈腿的女友分手卻分唔到，項微心靈機一動，拿著校花死黨方琦然（何思靜 飾）當藉口，讓陶宥全分手成功，佢自認是見義勇為，也還了人情。

自始之後方琦然開始收到追求者送嘅示愛早餐，唔想吃的方琦然當然俾鍾意食嘅項微心解決食物，日日食免費早餐！同時，項微心受不了吉他社社長張元碩（宋柏緯 飾）的奶茶誘惑，雖然結他彈得超爛依然答應在社團成果發表會時自彈自唱。一次天台上的巧遇，陶宥全決定教她彈吉他，讓項微心感到這個難題似乎不那麼難了。

青春校園初戀小清新電影唔新鮮，不過因為幫人食早餐而識到男朋友呢下幾有趣！睇住女主角李沐不停食飯團、菠蘿包飲奶茶個滿足樣，越睇越可愛，李沐之前喺台劇《誰是受害者》及《青春弒戀》中有亮眼表現，今次做古靈精怪學生妹一樣出色！

電影由勁期熱爆話題作《華燈初上》編劇杜玫哲執導，拍出2男2女高中生友情、暗戀、明戀嘅青澀關係，從中帶出幾位青少年面對生活難題不斷成長進化，輕易打動各階層觀眾，難怪賀歲檔跑出好成績！

《我》改編自2015年校園論壇Dcard真人真事嘅同名貼文，當時有成5萬個like同大堆comment，貼文hit到被改編成小說仲出埋漫畫！而真實事件男女主角2020年結埋婚，做埋KOL「早餐夫妻」！

更多電影文章

電影LOL︳史匹堡爆seed一年2套新戲上畫 半自傳The Fabelmans搵名導David Lynch演出

電影LOL︳《蜘蛛俠》相關人物陸續登場 《魔比煞》4月上映 《格雷》索女演蜘蛛夫人

電影LOL︳水行俠Jason Momoa加入《狂野時速10》 網友︰終於有個男角有頭髮

電影LOL︳畢列谷巴轉型做埋幕後 新片自編自導自演婚後出櫃百老匯才子

電影LOL︳上訴成功！《波西傑克森》開拍電視劇 原著作家親自參與編劇

電影LOL︳《無聲絕境》創作才子新作拍小男孩故事 搵「死侍」同「前上司」Steve Carell幫手

電影LOL︳兩大荷里活人氣王 美國隊長Chris Evans拍The Rock演新片 等做佳節檔期票房冠軍

電影LOL︳邦女郎 Ana 舊作被cut戲 Fans為4蚊告Amazon索償500萬 導演解釋︰觀眾唔buy

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載