霸氣律師怕甩轆 蔣祖曼發夢都上庭

·1 分鐘文章
律師角色看似霸氣,其實祖曼在鏡頭後超緊張。
律師角色看似霸氣,其實祖曼在鏡頭後超緊張。

有「獨立電影女王」之稱的蔣祖曼憑無綫劇集《鐵探》成功入屋,去年卻後繼無力零工作近乎絕迹幕前,苦等一年多擔正女三的《逆天奇案》終於出街,飾演「法律女神」的她更獲讚入型入格夠霸氣,與拍檔黃智賢火花十足。

其實首次演律師的她直言被考起,更為此專誠到法庭聽審做足功課,不過開拍前卻緊張得發噩夢:「因為法庭戲排咗最後一個星期一次過拍,加上每場戲都有好多人望住你演,好怕出錯影響人,好大壓力,就連瞓覺都夢到自己上庭,好彩都順利,盡量做到一Take Pass。」

她表示早已期待做律師角色,今次終得償所願,並不介意做「御用專業人士」:「我自己都做過好多制服戶,就係未做過律師同醫生。(各行都試勻?)主要政府部門,警察、海關,就連路政署都做過,依家會諗仲有咩未做,下次做到就好。(怕唔怕畀人定型?)早幾年有介意,想演啲好玩嘅角色好似喜劇咁,但之後心態轉變咗,覺得如果觀眾諗起女警就諗到我都係一種成就。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能