靚仔豬肉佬爆紅獲網民開設Facebook群組 疑似除口罩照片曝光

疑似靚仔豬肉佬除口罩照片曝光
疑似靚仔豬肉佬除口罩照片曝光

近年逐漸開始有年輕一族於街市工作,日前有荃灣女街坊喺楊屋道街市附近新村街買豬肉時,發現一名金髮靚仔豬肉佬,之後仲分享二人自拍照到Facebook群組「荃灣人」,除咗惹起網民熱烈討論之外,呢位豬肉佬更加被網民大讚有明星相。去到噚日,更有網民幫佢開設「荃灣鮮肉AK應援團」群組。

呢位荃灣女街坊喺Facebook群組「荃灣人」開心上載與靚仔豬肉佬嘅自拍,更寫道:「平時少去買餸,真係冇諗過會有,咁靚仔嘅豬肉佬」。喺合照中,樓主用上「心心眼」表情符號遮住自己個樣,而豬肉佬雖然戴上口罩,但仍然見到佢濃眉、雙眼皮嘅深邃眼睛、紋身,加上一頭金髮、與反領T-Shirt造型,有別於平日見到嘅豬肉佬。

網民們大讚佢有型靚仔同有明星相,好似MIRROR成員Anson Kong江𤒹生、MC張天賦、沈震軒、吳卓羲以及羅志祥等男星,仲指對方態度好好,仲教埋佢煲湯。而上載與靚仔豬肉佬合照嘅網民,佢仲開設Facebook群組「荃灣鮮肉AK應援團」,並寫上「無論你係前夫定前妻,都歡迎加入,召集所有人搵佢買豬肉,一齊煲爆個場佢,開心share更多鮮肉照。」,短短不足一日就見有超過550位網民加入該群組,認真厲害。喺群組中,網民們除咗分享與其合照及相關新聞之外,有網民更分享一張疑似呢位靚仔豬肉佬嘅除口罩照片。

另外,有傳媒亦前往店舖訪問佢,期間問及佢感情狀況,佢亦大方表示已有另一半。有網民就指自己認識佢,並爆料話佢已婚有小朋友。

荃灣街市靚仔豬肉佬
荃灣街市靚仔豬肉佬
疑似靚仔豬肉佬除口罩照片
疑似靚仔豬肉佬除口罩照片
Facebook群組「荃灣鮮肉AK應援團」
Facebook群組「荃灣鮮肉AK應援團」

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能