面目全非!薛凱琪再變「網紅臉」連阿媽都唔認得

網民狠批「網紅樣」。

女星薛凱琪(Fiona)早前被指突然變臉撞樣范冰冰,事後佢再甫新相力證冇走樣,相信只係P圖太重手出事,不過「打回原形」冇耐,呢日佢就再次惹來變臉爭議!身在內地嘅佢正忙於拍攝「浪姐3」,就連母親節都未能同媽媽慶祝,呢日佢拍片隔空獻唱《世上只有媽媽好》氹媽媽,並表示:「距離上次跟媽媽見面已經402天啦,但很感恩,從第一次見面到現在的一萬多天裏,因為你,我一直都是最幸福的女孩!媽媽,等我回家哦。」不過網民將重點放喺其外表上,直指佢中咗「面目全非腳」,驚變「網紅臉」,令網友大為震驚,狠批:「變得連親媽都認不出來了」、「明明以前好靚,為甚麼整成這樣了?」、「根本是兩個人吧」,但亦有網民估計只係濾鏡所致。