韓君婷:垃圾大話精

東方日報
·2 分鐘文章
韓君婷自爆與蔡國威同居時,經常受氣。
韓君婷自爆與蔡國威同居時,經常受氣。

因故母遺下大筆醫藥費而申請破產的前亞姐冠軍韓君婷,近日突然搬離摯友「六合彩之子」蔡國威的寓所,宣布「自立」,想不到最終反面收場,20年友誼從此恩斷義絕!韓君婷直斥對方「垃圾大話精」,蔡國威則發誓表示沒講過「你究竟幾時搬走」,更指女方以怨報德,雙方各執一詞!

早前韓君婷被本報踢爆因疫情影響收入,無力償還約40萬元債務,為了不想身邊友人包括蔡國威受債權人滋擾,故找律師申請破產,當時字裏行間對男方相當保護,想不到昨日突然傳出兩人割席的消息。她指早前接獲對方「迫遷令」,又稱寄住蔡國威家時,經常受氣及每晚瞓梳化,雖然她經濟拮据,但有「畀家用」及分擔家務,強調絕不是貪小便宜的人!

「本身諗住算啦」

韓君婷的言論令蔡國威非常不滿,深夜發千字文反駁,期中一項「指控」包括女方「唔腳踏實地堅持辭職」。昨日韓君婷滿腔怒憤向記者表示:「總之呢件事(迫遷)係真嘅,我諗係有人睇唔過眼講出嚟,見佢不停佔我便宜同奚落我。我本身諗住就咁算啦,冇諗過爆出嚟,但似乎佢近日太過分,連身邊人都睇唔過眼。」又指自己對外承認破產當日,蔡國威已沒有再當她是朋友,開始搬走時已感覺難受。

對於蔡國威反駁,她不留情面說:「佢係垃圾大話精!唔想再回應佢,佢之前回應嘅嘢,已經前言不對後語。我唔想再畀呢個垃圾大話精利用我去做新聞,我只係將真相講出嚟,依家會做好自己,去面對將來要行嘅路。」並強調對方說「你究竟幾時搬走」令她畢生難忘。

寸製造新聞

之後她於社交平台留言,矛頭直指蔡國威:「我不想再包容你去講大話傷害我。我不會好似別人製造新聞,傷害人讓自己出位。」語氣強硬,二人關係已覆水難收!