雅虎香港新聞 
【韓國】濟州島十大必去景點
濟州島係韓國人心目中嘅度假天堂，除咗有漢拏山嘅生態、沙灘，仲有清新空氣同特有嘅「海女」文化，令到濟州島成為近年新興嘅觀光勝地。就等KKday小編帶你一覽濟州島有邊啲必去景點啦！
濟州島全島分為五個區域：濟州市區、西歸浦市、東部、西部同正中間嘅漢拏山，小編會介紹呢五個區嘅各大景點。
＃濟州島市區
1.東門市場 동문재래시장
圖片來源 | Shutterstock
東門市場係濟州島三大市場入面最大、最好行嘅，連接七星商店街、中央地下街，係濟州島最繁榮嘅區域。呢個市場有好多海鮮醃漬品同傳統小吃，基本嘅辣炒年糕、紫菜包飯、魚板都有。其他濟州島手信，好似桔、綠茶、朱古力、石頭爺爺都可以喺呢度買到。
地址：16 Dongmun-ro, Ildoil-dong, Cheju, Jeju-do
電話：+82 64-722-3284
營業時間：08:00-21:00，週日公休
交通：搭市區巴士到中央路交叉口或東門市場站
2. 黑豬肉一條街 흑돼지거리
圖片來源 | Coral Hou
行完東門市場之後，不如行去大名鼎鼎嘅濟州島「黑豬肉一條街」，試下韓燒黑豚肉配燒酒！
地址：25 Gwandeong-ro 15(sibo)-gil, Geonip-dong, Cheju, Jeju-do
電話：+82 64-753-0008
交通：與東門市場僅徒步十分鐘的距離
3. 龍頭岩 용두암
圖片來源 | Shutterstock
傳說以前喺濟州島，有條龍偷咗漢拏山神靈嘅寶物，逃走嘅時候俾漢拏山嘅神靈用弓箭射中，受傷嘅龍跌落海邊，身體沉入海底，露出頭、仰望星空化為石頭，變成咗龍頭岩。喺龍淵雲橋行過去，可以睇到飛機升降，仲係韓國嘅爸爸去哪兒、韓劇嘅拍攝場地。
地址：15 Yongduam-gil, Yongdam 2(i)-dong, Cheju, Jeju-do
電話：+82 64-728-3918
入場費：免費，泊車費：500韓元
交通：龍潭圓環站，向海邊方向行五分鐘
官網：龍頭岩
＃西歸浦市區
4. 正房瀑布 정방폭포
圖片來源 | Shutterstock
正房瀑布係濟州三大瀑布之一，亦係亞洲唯一一個直接入海嘅瀑布，水勢浩大、水質清透，令到好多韓國人喺夏天嘅時候嚟瀑布溪邊玩水、影相。
地址：37 Chilsimni-ro214beon-gil, Donghong-dong, Seogwipo, Jeju-do
電話：+82 64-733-1530
入場費：個人 – 成人 2000圜 / 兒童、青少年、軍人 1000圜，六歲以下免費
開放時間：08:30-18:00
交通：西歸浦市中央路，搭乘往甫木方向的市區公車，西歸浦KAL飯店站下車
官網：正房瀑布
5. 中文觀光園區 중문관광단지
圖片來源 | Shutterstock
濟州島嘅西歸浦市西南區域，發展得好好、景點集中，係韓國最出名嘅綜合觀光區，博物館、公園、高級酒店都集中係呢區。呢個中文觀光區大概要預兩日嘅時間先玩得晒，其中泰迪熊博物館係一定要去，館內收藏咗成千隻極具特色嘅泰迪熊！另外，美地植物園、太平洋樂園、朱古力樂園都係出名嘅觀光區。中文觀光區入面仲有好多唔錯嘅海鮮餐廳，可以一試。
地址：濟州特別自治道西歸浦市穡達洞
電話：+82 64-739-1330
官網：中文觀光園區
交通：
(1) 機場巴士 : 喺濟州國際機場搭600號機場巴士 → 中文觀光園區落車 (約45分鐘)
(2) 市外巴士 : 中文觀光園區入口落車 (約50分鐘)
(3) 市區巴士 : 喺西歸浦市區搭120、130號巴士→ 天帝淵瀑布入口或者中文觀光園區入口落車(110號巴士可以喺園區內落車)
交通太複雜？可以揀泰迪熊博物館、山房山一日遊
＃中央全島高峰
6. 漢拏山（漢拿山） 한라산
圖片來源 | Shutterstock
而觀音寺嘅登山路線有露營場，落咗山附近有好多馬場，有興趣嘅朋友可以順便體驗下馬術課程。漢拏山係濟州島第一高峰，位於濟州島嘅正中間，海拔1950公尺，同金剛山、智異山一被稱為韓國嘅三神山。漢拏山有好多條登山路線，可以根據自己嘅體力同經驗選擇。
電話：+82-64-713-9950~3
官網：漢拏山路線開放時間
＃東部
7. 牛島 우도
圖片來源 | Shutterstock
牛島碧海藍天、水清沙幼，海水清澈到可以清楚睇到水入面嘅小生物。島上車少，大部分人都係踩單車或者電動車，好似世外桃源咁。呢度附近成日可以見到海女捕魚，食物方面就推薦花生冰、漢拏山炒飯、海鮮湯麵。
交通：由濟州市外巴士客運站或者西歸浦巴士客運站搭幹線巴士到城山港（約1小時30-40分鐘)，再轉郵輪（約15分鐘一班)
船費：
單程：成人 3500圜 / 青少年(中學生以上) 2800圜 / 小學生 1000圜 / 年滿2歲以上 700圜
來回：成人 5500圜 / 青少年(中學生以上) 4800圜 / 小學生 1700圜 / 年滿2歲以上 1400圜
小編提醒：外國人要帶護照先可以搭船！
8. 城邑民俗村 성읍민속마을
圖片來源 | Shutterstock
韓劇「大長今」嘅拍攝場地！漢拏山山釐嘅城邑民俗村完整保留咗1890年代濟州人嘅傳統生活方式同建築，係活生生嘅韓國文化資料館。呢度介紹咗濟州島特殊嘅「海女」文化、養馬習慣、可以深度了解濟州島嘅文化同歷史。
地址：Jeju-do, Seogwipo, Pyoseon-myeon, Seongeupjeonguihyeon-ro, 19
電話：+82 64-710-6797
交通：搭幹線循環巴士喺城邑(旌義城邑)落車
9. 城山日出峰 성산일출봉
圖片來源 | Shutterstock
濟州島東邊嘅城山日出峰喺世界上少見，保留咗完整嘅海底火山丘，被列為世界自然遺產。喺山頂上可以清楚睇到太陽由大海嘅水平線慢慢升起，係韓國人跨年睇日出嘅熱門景點。
地址：濟州特別自治道西歸浦市城山邑日出路284-12
電話：+82-64-710-7923
入場費：個人 – 成人 2,000韓元 / 青少年與軍人 1,000韓元 / 兒童 1,000韓元，6歲以下及65歲以上免費
交通：搭幹線巴士到城山日出峰落車，或者巴士710號。
涉地可支 섭지코지
圖片來源 | Shutterstock
涉地可支有一座燈塔，行上燈塔嘅梯級，可以將海岸嘅靚景盡收眼底。涉地可支海岸嘅懸崖上係一片大草地，喺春天夏天嘅時候，會睇到一片好靚嘅油菜花，好多人會揀呢個季節專程嚟旅行。
地址：262 Seopjikoji-ro, Seongsan-eup, Seogwipo, Jeju-do
電話：+82 64-782-0080
官網：涉地可支
交通：幹線循環巴士到涉地可支站落車
城山峰日出、牛島、涉地可支一次過玩晒
＃西部
10. O’ sulloc 雪綠茶博物館 오설록티뮤지엄
圖片來源 | Shutterstock
呢個係以「綠茶」為主題嘅博物館，介紹韓國嘅傳統飲茶文化。博物館嘅內部結合咗傳統同現代嘅空間，仲有池塘、庭院，俾旅客可以喺大自然中品茶、食點心，呢度都好適合買手信。
小編推薦：GD開嘅咖啡廳MONSANT CAFE都係同一區，可以順便去朝勝。
地址：1235-3 Seogwang-ri, Andeok-myeon, Seogwipo, Jeju-do
電話：+82 64-794-5312
營業時間：09:00-18:00
交通：濟州市外巴士站搭755市外巴士喺「오설록奧雪綠」站落車
官網：O’ sulloc
O’ sulloc 綠茶園＋GD咖啡廳，濟州島西部區包車走透透
睇完呢十大景點，你係唔係都好想去濟州島呢？快啲訂機票、執行李，立刻出發啦！
去濟州島你可能需要：
韓國自由行上網必備WiFi！
濟州島超抵包車，多條路線仼你揀
KKday日韓賞櫻精選期間限定折扣指定產品低至8折，立即了解詳情！限量APP專用優惠碼：KRSAKURA20/JPSAKURA15(優惠受條款約束)
認識KKday
想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 80 個國家、500 個城市，為您搜羅超過 10,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。
▲前往KKday 網站，訂購心水行程！
▲下載KKday App與你同行，發掘更多在地旅遊體驗！
▲訂閱KKday電子報，獲取更多旅遊優惠！
▲Facebook ▲Instagram ▲YouTube ▲KKday群組
