食肆「人未食鼠先食」 網民 ： 五星級大廚試吓味先

香港鼠患嚴重，一直以來成為大眾詬病，不時出現碩鼠橫行場面。近日一食肆內更驚現「人未食，鼠先食」駭人場面！網民昨晚(14日)在社交平台上載一條短片，拍下一隻老鼠「日光日白」在一食肆內，爬上放有4隻疑似滷水鴨的盆上，有如「食客」般大快朵頤猛啃鴨脾。期間，疑有人步入廚房，食得忘形的鼠輩亦察覺「風吹草動」，不情不願地急竄而逃，片段亦到此終結，未知相關食物最終有否奉客。

拍片者在旁與友人目睹驚嚇場面，一把女聲高呼「咁樣都得嘅！佢死呀佢！」，另一男子聲則笑稱「嘩！佢應該畀錢買番呢條片！」有網民閱畢影片，表示擔憂食肆衞生情況，坦言平日外出就餐防不勝防，只能靠商家自覺保障食品安全，亦有人將焦點放在片中碩鼠，笑指「其實呢隻好乾淨」、「啲手腳好白」，諷刺老鼠有如「五星級大廚試吓味先」。

政府8月中展開為期3個月的「清潔香港大行動」，聲稱重點清理全港600多個衞生及街道管理黑點。牽頭的政務司副司長卓永興表示，過往因部門間權責不清以及工作不到位，導致滅鼠成效不彰，將會進行改革，改為夜間捕鼠，加強員工培訓，教導捕鼠方法，以及制訂新的綜合鼠患指數，期望短期內取得成效。