香港Staycation套票推介 33折住四季/$643歎東隅海景房

疫情持續，各地旅遊業都受到嚴重打擊，為了逆境求生，香港不少酒店都出盡法寶吸客，推出不同的外賣自取服務，以及住房及餐飲優惠吸客。今次我地就精選4個住房優惠，有可同寵物入住的，亦有可於酒店房內進餐的，又或睇到無敵靚景的，總有一間啱大家Style! 不過玩還玩，大家就得戴口罩同勤洗手，做足防疫措施!

1: 玩足30小時 寵物一齊入住

繼早前推出的Staycation套票，美利酒店 (The Murray)繼續添食。於今日(8月5日) 00:00開始，推出限時3日快閃優惠，由本來2人入住的45折優惠，再另加15%優惠，折後2人入住每人只需$1,403即可入住升級N1 Deluxe/N2 Grand房型，包早餐﹑晚餐及下午茶三餐，更可免費加床，可帶體重10公斤以下的寵物一齊入住，早上10點Check in，下午4點退房，比大家玩足30小時。

The Murray

網址: 按這裡

2: 33折起住四季 可於房內食早晚餐

四季酒店最近推出香港居民限定住宿33折優惠，$2198.9可二人1入住Deluxe Peak View Room，更包早餐和三道菜晚餐兩餐，均可選擇於房內享用，除開每人只需$1,099，非常抵住，入住日期至8月31日。

四季酒店

網址: 按這裡

3: 唔洗$650/位 入住落地玻璃窗海景房

位於太古的香港東隅酒店（EAST Hong Kong）以維多利亞港美景作賣點，今次推出香港居民限定的Staycation住宿美食優惠，$1,285即可二人入住擁有落地玻璃窗海景房，另包3道菜雙人午市套餐，以及延長至下午4點退房，除開每人都唔洗$650，優惠至8月31日。

香港東隅酒店

網址: 按這裡

4: 毛孩齊入住 設專屬狗狗電梯/樓層

如果想帶埋毛孩度假，可以諗諗香港維港凱悅尚萃酒店最新推出的毛孩住宿優惠，$1,120起可2人入住標準客房，每房可攜帶1隻不超過30公斤的狗狗，優惠至9月30日。每房可得到一個狗狗歡迎禮包，內有狗床、小點、餐盤及水盤、除臭和去污抗菌噴霧、清潔用品，相當貼心。此外，酒店內亦設有專屬狗狗的接待櫃檯﹑專用電梯、專用樓層，以及供狗狗放電的戶外草地等，設備齊全。

香港維港凱悅尚萃酒店

網址: 按這裡