香港IG時裝店上載慶生照 多靚女到台灣網民都熱議

近年IG網店興起，唔少人（尤其係少女同OL）都鍾意網購買嘢。為咗可以令多啲人嚟幫襯，唔少網店都會搵嚟IG女神及KOL做model拍攝產品圖片。有一間IG時裝店嘅模特兒個個都係人氣IG女神，所以成功吸引唔少人支持及幫襯。早前該網店老闆娘生日，仲喺IG上載與一眾女模特兒及員工慶祝生日嘅相片，結果紅到去台灣，掀起台灣網民熱烈討論及投票。

上兩星期，網店老闆娘上載捧住生日蛋糕及與女模特兒及員工嘅慶生照，留言多謝佢哋同埋話「以前覺得一班女仔一定會好煩好多是非，但原來係可以咁好玩大家都咁真！好愛大家！」一班網民清楚認出多位女神，例如《試當真》成員Jessica、「熊仔頭」嘅熊女郎Santis Chan、ViuTV節目《YOLO的練習曲》Cissy及《BusBoy巴士司機》琳琳等等。一班台灣網民除咗討論之外，仲喺張相到為佢哋標上數字並投票，當中就以Sophia最受台灣網民歡迎，而一班香港網民亦有大讚佢哋靚女及求佢哋嘅IG帳戶。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！