雅虎香港新聞 馬賽風雲之沒完沒了 汪子琦繼續爆
今日係馬賽艷舞片曝光啱啱一個星期，事情發展可以話係日日新鮮，好似追緊劇咁。除咗馬賽之外，仲牽涉內地製片人江子琦及富婆Laura。今日就有以馬賽做封面嘅周刊出街，當中有更有汪子琦嘅訪問，繼續有嘢爆。
汪子琦喺周刊訪問中大爆舊年11月同馬賽母女去越南，佢哋住喺一間別墅，馬賽媽媽住一樓，汪子琦同馬賽就住二樓。汪子琦喺周刊訪問中話佢哋親熱嘅時候想唔閂門，馬賽就話唔緊要，媽咪聽唔到。
汪子琦又表示馬賽鍾意玩制服誘惑，俾咗好多刺激佢，成日準備護士裝學生裝等俾驚喜佢。唔止架！汪子琦仲爆埋同馬賽鍾意喺野外……佢話喺越南就被「純純兔」拉到度假屋嘅沙灘附近一個樹林……記者問係唔係「打野戰」？汪子琦就話:「嗯!」
汪子琦話佢同馬賽係喺舊年8月歐遊嘅時候撻著，當時佢哋仲背住富婆Laura喺隔籬嘅酒店度開房。
除咗火辣行為，汪子琦亦都大數馬賽母女當佢搖錢樹，開到聲話要樓丶600萬「養女費」以及每個月20萬家用(但係要一次過俾)。至於何謂「養女費」？就係馬賽媽話個女08年選港姐入行，佢就每年用100萬去栽培個女，入行6年就洗咗600萬但又紅唔到，於是叫汪子琦代馬賽還六百萬囉。
反轉豬肚就係_，呢啲新聞嘅殺傷力，不亞於馬賽擔心會流出嘅「其他片」。
圖片：微博
是日精選
中共元老孫女強大背景 Robynn & Kendy 否認比賽內定冠軍
