北角餐廳賣高價飯盒盛惠 188 元 被質疑食水深 「好奇呢個價係用乜嘢肉」

圖:人人和平 facebook
圖:人人和平 facebook

俗語有云「好又一餐,唔好又一餐」,不少人為了慳錢都會買兩餸飯或者三餸飯解決兩餐需要,兩餐可能合共花費 80 元左右就能解決。不過有餐廳就表示,近日促成了一宗高質飯盒交易,雙餸併燒味飯盛惠 188 元,而且包運送並「確保熱辣辣送到」。接近 200 元一個飯盒確實少見,有網民就向餐廳反映「雖然係高質飯盒啫,會唔會貴咗啲」;又有人質疑飯盒價格夠高,但為何賣相仍然普通;不過亦有人表示,可能餐廳確實採用了高質食材;另外亦有人估計今次只是個別事件,餐廳一直以來推出的午餐並不需要過百元。

售出貴價飯盒的餐廳是北角「黃店」「人人和平」。人人和平昨日在 facebook 表示,年初疫情高峰時生意轉差,老闆曾想過賣雙餸飯,「但我哋平時連入貨都只揀靚食材,實在唔想做 cheap 自己」,於是沒有實行。

昨日,人人和平指有一間公司的新加坡客人來港開會,因為初抵埗按例無法即時入餐廳食飯,於是就查詢他們能夠提供甚麼午餐,「小編決定將腦細構思嘅雙餸飯變成 $188 高級和平小菜雙餸併燒味飯,有馳名燒味、帶子 / 蟹鉗,仲會確保熱辣辣送到」。按照人人和平提供的圖片,飯盒的餸菜包括最少 4 件咕嚕肉加菠蘿青椒、一件蟹鉗、菜心、叉燒和燒肉各兩件。人人和平並指,「做人做生意都要有麝自然香,唔好似高官走去柬埔寨招商反而話柬埔寨冇人質事件,真係影 cheap 晒香港人。」

人人和平的帖文吸引不少網民留言,有網民就質疑飯盒的利潤可能很高,「188 蚊,賺你 160,果然係高級飯店」、「食水深到呢」、「兩三年來都不時支持你哋,不過我就覺得呢個價位真係高咗啲喇」、「今次幫你唔落」,「只睇張相,$68 都要諗吓」、「如果真係靚食材 188 唔貴,但你張相影出黎都咁肉酸,點俾人食呀?」、「好奇想知賣呢個價係用乜嘢肉?係咪用西班牙黑毛豬做嘅叉燒、燒腩同埋咕嚕肉?用邊一款蟹做嘅蟹鉗?」

不過,並非所有網民都批評餐廳的做法,有網民就認為製作飯盒以至經營餐廳都牽涉不少成本,不能見到上述定價就認為定價太高;亦有網民評估,今次的高質飯盒連運送都是餐廳跟該名客人「度身訂造」,應該當個別事件看待;「有價有市,有咩問題」、「覺得佢賣得貴咪唔好買」。

而翻查人人和平的餐牌,他們的午餐定價 55 至 80 元不等;如果以日常餐牌計,揚州炒飯、乾炒牛河、櫻花蝦炒飯定價約 100 元。

基於你的私隱偏好設定,此內容無法提供。
如要查看此內容,請在這裡更新你的設定。