雅虎香港新聞 Yahoo Travel HK
高手教你活用里數 坐頭等不是夢
對於成日搭飛機或者鍾意去旅行嘅人黎講，飛行里數可以話係佢哋生活嘅一部份，依家越來越多達人教人點樣儲里數，或者申請邊張卡最有用，不過其實除咗要識儲里數，仲要識用哩數，識得用嘅話隨時真係頭等都有得你坐架。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
最近一位外國嘅旅遊專家Gilbert Ott就分享點樣可以善用里數換到頭等機票。方法就係通過從一家航空公司購買飛行里數，有好多航空公司嘅飛行里數並唔需要一定由買機票去儲返黎，只要通過佢哋嘅合作機構消費就可以獲得，而你嘅飛行里數有一定嘅數量時，你就可以用呢啲飛行里數去買番佢哋合作夥伴航空公司嘅機票，例子就係先係阿拉斯加航空公司用1,478美元買70,000飛行里數，然後將獲得嘅里數用去買夥伴航空公司澳洲航空嘅機票，然後你就可以用大概10份一嘅價錢買到澳航嘅頭等機票啦。
Gilbert Ott仲話雖然要搵到澳航機位可能好晒時間，不過好多搜尋器都可以幫到忙，例如Award Nexus，會喺搵到你想要嘅機位嘅時候自動通知你，當然亦都可以直接喺所屬航空公司申請一個頻繁飛行帳戶。
講明先，小編就冇試過呢個方法，想知得唔得，大家仲唔快啲試吓。
人一世物一世， 有機會都真係要試吓坐頭等。
死慳死抵先儲咗筆錢去旅行，搭飛機好多時只能夠搭簾航。
搭飛機冇啖好瞓 ，可能頭等幫到你。
相關文章
