高海寧出PO澄清被指為「梅西」缺陣解畫 被轟急改「美斯」撲火 網民：睇場波都要發聲明

「Tatler XFest Hong Kong: 香港隊vs國際邁亞密」友誼賽喺日前（4日）舉行，賽事吸引唔少球迷入場，為一睹阿根廷球王美斯（Lionel Messi）風采，可惜美斯缺陣令大批現場球迷大感失望，噓爆兼大叫回水。事後，有份入場觀看賽事嘅高海寧（高Ling）接受傳媒訪問時表示作為球迷嘅佢體諒及理解美斯因受傷，而未能落場比賽。去到噚晚（7日），佢喺個人社交網站出PO寫出自己嘅想法及澄清自己冇為「梅西」辯護，結果被網民問呢個PO嘅對象究竟係香港市民定係內地網民，之後佢將PO喺IG及Facebook刪除，並將「梅西」改成「美斯」，然後再重新發佈，而微博就繼續保留「梅西」版本，不過Facebook嘅聲明就再次刪除。

喺噚晚，高海寧喺個人社交網站出PO：「為免產生更大的誤會，我覺得有必要跟大家說明一下：首先我跟大家一樣對於美斯沒有落場踢球感到非常失望，當天回應記者提問的時候，因為看了球隊教練在賽後記者會上回應『美斯因受傷不能上陣』的報導，所以在訪談中才有『聽說他受傷了』的說法。如果大家有看到完整訪問片段的話，實際上我想表達的是：我很投入觀看當天的賽事，因為中國香港隊踢得很好，上半場攻勢很給力，身為球迷看得是盡興的。但許多遠道而來的粉絲們，面對當天的狀況，肯定還是會感到失落和傷心。 後續我也是跟大家一樣，了解到之後發生的更多情況，讓我感到非常震驚。我充分意識到，自己當時在只了解片面的情況下，發表的言論是非常不妥的。在此要向所有關注這件事的朋友們表示歉意，真的非常抱歉！ 我會持續關注事件的發展，也希望這件事能有合理的交代。以後會更加謹慎行，做好作為公眾人物的正向引導。」

見到高海寧嘅舉動後，唔少網民都喺IG留言支持高Ling及戥佢辛苦，例如「喺香港做藝人真係好辛苦」、「睇場波都要發聲明」、「藝人唔易做，尤其在香港，辛苦了」、「妳沒做錯任何事，被誤解並不是你的錯。謝謝妳真誠有擔當的說明和回應，無論發生什麼都會一直相信妳支持妳和妳在一起」、「咁都要澄清？其實沒什麼大問題」、「高ling 問心無愧就可以了，要解釋既應該係美C ,碧咸及主辦單位」、「做咩要解釋，關你咩事，別人過分解讀，我覺得你做得非常好」及「整件事都唔關你事啊！」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！