魏駿傑前妻張利華五官再升級撞樣Angelababy 繼續上流生活

魏駿傑前妻張利華（現名張伽琳）自離婚後火速升呢成為上流名媛。早前帶張利華入行投身保險行業嘅前藝人王玉環，喺微博分享上流生日會照片時，又見到張利華出現。而家佢嘅五官十分精緻，甚至撞樣Angelababy！

現年55歲嘅魏駿傑，2007年北上拍劇時，認識年輕20歲嘅重慶女大學生張利華，迅即打得火熱。魏駿傑毅然放棄與滕麗名9年感情，宣布分手，並且喺拍拖一年後同張利華結婚，備受指責。

婚後張利華誕下一女，並且到香港生活，但亦開始傳出婚姻有問題。張利華曾暗示同魏駿傑多年冇親密行為，傳媒又「捕」到張好耐冇返西貢屋企，然後再被影到同唔同男士過從甚密，包括洋人banker及單車選手。

終於魏駿傑喺2020年宣布同張利華已經離婚，又聲言會同囡囡Jessica相依為命，受訪時魏更聲稱「終生不娶」。提起同滕麗名一段情時，魏駿傑話「咩債都還晒」，又祝福滕麗名一世都好。

上年張利華據報於山頂一個豪宅單位被打傷，警方之後拘捕一名42歲姓胡男子。據知，張利華致電友人聲稱遇襲，後來警察到場發現張受傷，送院治理，而涉案男子返回單位時被捕，消息指涉案者係退休法官胡國興兒子胡雅倫。後來張利華出post指事件係「誤會一場」，聲稱係去朋友屋企食飯飲醉酒跌親撞傷個頭而唔係被人打，並且已經銷案。

張利華近年生活多姿多采十足闊太，而且五官變靚進度驚人，仲識到唔少優質男士。有指張利華係經朋友介紹識到胡雅倫，上年年底開始同居，但「受傷事件」後有傳二人已經分開。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！