《魔戒》電視劇第二季改往英國拍攝 新西蘭表示心淡
經典嘅電影《魔戒》三部曲相信大家就算無睇過都一定聽過,電影中嘅中土世界取境地點為新西蘭,電影嘅大成功同時等如向全世界宣傳新西蘭美景一樣,多年來有無數遊客都前往參觀拍攝景點,為當地帶來大量旅客收入。近年由Amazon開嘅影視頻道開始自家製作各種電影及電視劇,其中重頭炮就係購入《魔戒》版權並開拍電視劇,並定下目標希望可以拍攝出如同《權力遊戲》一樣成功嘅劇集。
Amazon宣佈第一季已經順利於新西蘭拍攝完成,不過同時宣佈第二季將改往英國取境。負責人就話改往英國拍攝嘅原因,係因為頻道大部分影集都會於英國拍攝,所以希望集中資源。不過新西蘭旅遊局就表示失望,希望未來會重回新西蘭拍攝,大門隨時打開呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章:
香港好去處-大埔-親子-水上運動競技場-白鷺湖-ikea新店