鮑起靜哽咽:佢一生好豐盛

東方日報
·2 分鐘文章

廖啟智昨晚因胃癌病逝,方平及鮑起靜夫婦與他交情深厚,方平沉痛表示:「我收到呢個消息,真係冇辦法相信,萬分唔捨得。我哋相識太耐,希望佢屋企人節哀順變。我哋真係好唔捨得、好唔捨得,人生就係咁,希望唔好痛苦,一路走好,我哋珍惜身邊所有嘅人。」鮑起靜亦極之難過,哽咽地表示:「真係唔想去相信呢個事實,以為佢做咗手術會幾好,出嚟又可以見,一齊去跑步,可惜再冇呢個機會。」她指跟對方認識了超過半世紀,一向很「啱key」,對很多事物都睇法一致,可惜如今要永別摯友:「真係冇諗到啲癌魔咁犀利,咁短時間可以攞走佢嘅生命,不過佢嘅一生好豐盛,有好好嘅成績,不枉此生,希望佢家人節哀順變。」

而陳敏兒好友賈思樂得知廖啟智死訊後大表難過:「我都係今個星期透過媒體知道呢件事,但咁快就走咗,聽到呢個消息好難過,呢個時間先畀敏兒靜吓,佢應該有好多嘢要處理,佢亦係一個知道自己要做啲乜嘢嘅人,依家要先畀佢空間。」並表示與幾位陳敏兒的朋友已第一時間聯絡,只要敏兒出聲,他們必定會企在她的身邊:「喪禮嗰度要我哋幫手嘅話,我知敏兒一定會搵我哋,因我哋真係好好朋友,希望可以出一分綿力。」