黃美棋放下男友 建立新關係

東方日報
·1 分鐘文章
Judy(右)與美棋希望今年可以除下口罩拍攝《香港美食一條街》第二輯。
Judy(右)與美棋希望今年可以除下口罩拍攝《香港美食一條街》第二輯。

無綫小花鄺潔楹(Judy)、黃美棋及陸浩明,昨日出席由張錦祥與黃亞保兩位大廚主持的烹飪節目《煮場爭霸》記者會,Judy透露正努力學習烹飪:「我向來好鍾意上網睇片,好多係煮食教學視頻,之前拍飲食節目都會走入餐廳廚房偷師。」美棋亦自言有心學習,前幾天跟朋友烤長腳蟹時還致電黃亞保師傅請教,並預告:「新一年有個目標,就係要有個新關係!(做煮飯婆?)唔係,我係問黃師傅收唔收徒弟,我真係好欣賞佢。佢表面OK咗,我話畀幾日時間佢考慮。」她稱若成功拜師,會請Judy試其手勢。

鄺潔楹十劃有半撇

美棋指其投資的食肆受第4波疫情影響,生意額下跌一半。說到早前男友鍾健威被影到買戒指,是否好事近?她笑說:「我都想知,仲未到我手,唔知佢送畀邊個,可能只係睇吓!(係咪有結婚計劃?)冇咁快,因為疫情同好多原因,最快都2、3年後。」至於之前被傳跟酒吧富二代拍拖的Judy,就自稱跟對方是「關係幾好的朋友」:「我十劃都冇一撇,半撇都有嘅。」

鄺潔楹(右一)與黃美棋深明有一手好廚藝很重要,一於跟名師學嘢。
鄺潔楹(右一)與黃美棋深明有一手好廚藝很重要,一於跟名師學嘢。