黃翠如被指工作壓力太大 IG出PO講「再見」令網民擔心不已

·2 分鐘文章
黃翠如
黃翠如

黃翠如有份主演嘅劇集《七公主》正在熱播中,而佢喺劇中飾演又狠又辣嘅律師顧靈珊,外形cool爆,給人一種冷冰冰嘅感覺。劇集出街後,唔少網民都話翠如駕馭唔到角色,尤其係打官司嘅情節,話佢淨係識瞪大對眼同用氣聲講對白,演技再度備受批評。喺噚日(22日),佢喺毫無預警之下喺IG上載一張手拿小葉子嘅相片,寫下「再見。」,並關閉留言功能,令唔少網民擔心不已。

黃翠如一向俾人一種傻大姐感覺,燦爛甜美嘅笑容已經成為佢嘅個人標記,佢間唔中亦有喺社交網站發放正能量,不過噚日佢嘅作風同平日好唔同,突然寫下「再見。」,唔少網民都擔心佢係咪發生咗啲咩事,猜測翠如受不了工作壓力,再加上老公蕭正楠喺內地開緊工,冇人陪伴喺佢身邊同照顧佢。

一班擔心翠如嘅粉絲,分別喺粉絲專頁留言支持佢,例如「一如以往,每次翠如劇出街, haters 湧現,尖酸刻薄評論出現,今次不例外。。翠如真的受傷了,無力撑了。。」、「她怎麼了?好擔心」、「沈(沉)澱一下重新出發,支持你喔!!」、「你是最好的,我們永遠在!」、「好突然好擔心好想知究竟發生乜事」、「唔好玩,希望快啲有好消息」及「不知道發生了什麼 但我們一直在」等等。

到今日黃翠如再喺IG到update寫下:「總有一天,我們會再相遇 私人的悼念,謝謝關心。」 疑似回應事件。

黃翠如IG
黃翠如IG
黃翠如
黃翠如
《七公主》劇照
《七公主》劇照
黃翠如
黃翠如
黃翠如
黃翠如
黃翠如
黃翠如
黃翠如
黃翠如
黃翠如
黃翠如
蕭正楠 & 黃翠如
蕭正楠 & 黃翠如

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能