點評「唱將Icon」 譚詠麟讚炎明熹Mike「髮」術見效

譚詠麟大讚GiGi與Mike本身有實力,加上個人特色形象,成功讓人留有印象。
譚詠麟大讚GiGi與Mike本身有實力,加上個人特色形象,成功讓人留有印象。

「樂壇校長」譚詠麟點名力讚後起之秀曾比特及炎明熹,又睇好陳凱詠一鳴驚人,大爆她連食9碗飯,可做其接班人!對於3年來被網民無差別抨擊,他坦言感不快,惟有當「時運高,睇唔到」。

譚詠麟昨日在港為相隔4年、以7位數字打造的全新專輯《傾.聽》接受訪問,談及同唱片公司的「新人王」曾比特(Mike)及被他視為新一代唱將的炎明熹(GiGi),雙雙憑內地綜藝節目《聲生不息》人氣再升,他指兩人「彈起」原因之一是有icon:「Mike嗰個爆炸頭好易畀人認得,加上佢係有實力、有觀眾緣,有好際遇啦!又好似GiGi咁,佢梳起個齊陰去超市,一定冇人認得佢。」他更向後輩贈「必紅貼士」:「要由有知名度後嗰5年保持韌力、唔畀人淘汰,先可以叫喺樂壇站穩陣腳,所以一定要全心全意去做,唔可以Hea。」

爆「接班人」陳凱詠大食

而第3位被阿倫睇好的後輩,是上位中的同門歌手陳凱詠(Jace),但原因竟是因為夠大食。曾有「樂壇焚化爐」之稱的阿倫,笑言終於後繼有人,他大爆:「我叫佢『9碗飯』,佢入行時跟我去台灣做主播,表演過一次過食9碗飯!佢怕畀人笑食量大嫁唔出,要我改口叫『3碗飯』。(佢食得勁過你喎?)我輸畀佢啦!」他表示一直有留意Jace,覺得她肯搏、勤力、用心發展演藝事業,直言:「如果公司掟佢返內地,一定一鳴驚人!」

談到屹立樂壇逾40年,長居「最受歡迎男歌星」之列,但近年遭網民無理狙擊,他指轉戰內地市場跟網上言論無關:「我一直都係返內地發展,因為市場好大,如果唔係疫情,大把歌手返內地發展。」亦不諱言曾為輿論而不快,他認為不同意見也可共存,人要向前望,切忌原地踏步,望時間可證明一切。

面對負評,他會「當時運高睇唔到」,但強調不會受影響而萌生引退之意,曾承諾歌迷會唱到80歲後的他,現準備舉行演唱會還騷債,而新碟是與歌迷的互動之作,他說:「籌備咗起碼2年,碟名都係自己諗嘅,最難係啲歌嘅版權費,有首歌要收7位數字1年,覺得太驚人,所以冇要到。」

譚詠麟
譚詠麟



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能