黯夜守護者|陳煒婚後即開工 爆老公被「恐嚇」

陳煒婚後翌日便開工。
陳煒婚後翌日便開工。

昨日(26日)剛榮升做陳太的陳煒,今日隨即開工,現身《黯夜守護者》宣傳活動,獲在場觀眾送上祝福。煒哥表示與老公在酒店休息一晚,食過早餐之後便各自返工。她笑言昨晚婚宴邀請了一班好友出席,大家可以傾偈非常開心,更自爆老公被不少賓友「恐嚇」。

煒哥笑說︰「朋友叫佢對我好啲,話試下對我唔好就打佢,佢一味點頭答『係係係!』」煒哥稱當老公讀愛的宣言時,她不太明白為何是「五十加一」,之後老公指不想她有傷心的時候︰「因為我之前話過希望感情五十年不變,我之前同佢一齊睇《最後晚餐》呢首歌嘅動畫MV,每次睇都會感動,因為MV中一對公公婆婆一直互相扶持,都希望同老公白頭到老,互相扶持。

原文刊登於 AM730 https://www.am730.com.hk/娛樂/黯夜守護者-陳煒婚後即開工-爆老公被-恐嚇-/340420?utm_source=yahoorss&utm_medium=referral