龔嘉欣大包圍爭后 張振朗感觸冇嘥心機

東方日報
·1 分鐘文章
龔嘉欣以多劇谷人氣,爭「視后」有冇着數?
龔嘉欣以多劇谷人氣,爭「視后」有冇着數?

受「偷食事件」拖累而一度慘成倉底貨的劇集《堅離地愛堅離地》出生天,黃心穎由「豬隊友」變「神助攻」,劇集及時出街,為爭奪台慶獎項的張振朗及龔嘉欣谷人氣!

張振朗與龔嘉欣擔正的劇集《堅離地愛堅離地》3年後終走出「雪櫃」,昨日他們宣傳時表示相當大感觸,振朗說:「套劇係我哋第一次做男、女主角,擺咗好多心機落去,拍到後段冇覺訓,喺公園石櫈都瞓得着!」

今年有4套劇出街的嘉欣,繼《香港愛情故事》後再有作品,為爭「視后」增添聲勢,她說:「希望保持人氣,今次演富二代,角色有唔同感覺,希望大家覺得我值得有咁嘅成績。」又表示不擔心「自己打自己」,笑言是大包圍。

劉佩玥辛苦忍笑

而「女三」心穎由宣傳片至現場布景板也被Out,自然冇份出席宣傳,但劇集監製吳冠宇表示沒有刪除其戲份,問可擔心對方拖冧收視?他說:「希望低調處理,唔好再Highlight件事。」並透露心穎戲中與謝東閔、丁子朗有三角關係。

至於陳智燊離巢2年後返娘家宣傳,感覺複雜。劇中他與劉佩玥一對兼有親熱戲,笑言最初被女神外表呃到,原來相當嘈吵!劉佩玥亦讚他搞笑,開工最難是忍笑。

張振朗為新劇捱到瞓公園。
張振朗為新劇捱到瞓公園。
大會海報冇黃心穎,監製坦言想低調啲。
大會海報冇黃心穎,監製坦言想低調啲。
劉佩玥化身聖誕女郎賣萌。
劉佩玥化身聖誕女郎賣萌。