【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇

·4 分鐘文章

【萬千星輝頒獎典禮2020】曲終人散,又係時候洗牌嚟過。今年會有咩TVB新劇值得期待?即刻搵咗5套介紹下︰

《刑偵日記》主演︰惠英紅、王浩信

【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇

視帝視后級陣容,惠英紅同王浩信飾演母子,仲要兩個都有精神病,小紅姐嘅角色有精神分裂,擁有6種人格;做仔嘅王浩信劇中因為阿媽失常而驚嚇過度,解離出雙重人格。一聽就知考起兩位演技。查實全套劇唔少角色都有情緒問題,姜皓文演嘅刑偵之父有躁鬱症,惠英紅個女戴祖儀都因為遭遇而受驚失常。至於故事以重案組卧底王浩信被姜皓文賞識加入特案組,同一班專家一齊查案,睇設定似係以角色陰暗面帶動劇情,有睇頭。

《金宵大廈2》主演︰陳山聰、李施嬅

【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇

《金宵大廈》以阿蕭同Alex嘅主線,貫穿多個奇幻故事,觀眾反應幾受落。今輯陳山聰同李施嬅角色變成另一對情侶,但係關係若即若離,陳山聰嘅角色喺金宵大廈失蹤後被尋回,之後性格大變,佢同李施嬅再喺大廈遇上各種離奇事。上集部份演員如趙希洛、林子善、張彥博、黃子雄都會以新角色出場,編審透露故事會發生於另一個時空嘅金宵大廈,大玩平行時空,故事隨時比上集更複雜,當堂好期待。而且上次失落視帝視后嘅陳山聰同李施嬅會唔會有機會威返次呢?就要睇劇集反應嘞。

《食腦喪B》主演︰何廣沛、江嘉敏

【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇

外國喪屍電影同劇集熱潮過晒,TVB終於肯涉獵呢個題材啦!演員陣容全面年輕化,男女主角係何廣沛同江嘉敏,再搭陳曉華、郭子豪同方紹聰,何廣沛演食腦(真係用口食嗰隻)維生嘅喪屍,江嘉敏就係黑幫千金。吸引之處係想睇一班新演員做成點,同埋到底編劇會點處理呢個題材,睇開外國喪屍戲嘅觀眾可以數下參考咗幾多套作品。不過朱智賢同黎振燁因為呢套劇撻著而搞出不倫緋聞,會唔會令《食腦喪B》變成倉底貨,冇咁快出街?

《欺詐劇團》 主演︰鄭丹瑞、蔣家旻

【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇

上年《香港愛情故事》12集完,唔駛為咗就一至五檔期而夾硬搵戲嚟做砌夠20集,加上能夠配合網路平台,結果反應唔錯,估計以後呢種短篇劇會越來越多。剛剛煞科冇耐嘅《欺詐劇團》正正係呢種模式,8集完事,監製竟然唔係新人,而係資深製作人潘嘉德。多年冇拍劇嘅鄭丹瑞飾演過氣電影監製,帶住一班幕後招搖撞騙,聽落幾有趣。男女主角仲有回巢嘅敖嘉年以及「飛躍進步女藝員」蔣家旻,新面孔有簽咗星夢冇耐嘅JW(王灝兒)同林德信。

《兒科醫生》主演︰鄭嘉穎、馬國明、鍾嘉欣、羅子溢、周家怡

【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇

5套劇當中《兒科醫生》卡士最強勁,鄭嘉穎、馬國明雙視帝再加本身足以孭飛嘅鍾嘉欣同羅子溢,更令人期待嘅係重返TVB嘅周家怡。觀乎陣容同題材,呢套好有「台慶劇」格局,但就要視乎仲拍緊嘅《白色強人II》邊套行先。值得一睇係編劇(潘漫紅、孫浩浩)同埋監製方俊華都曾經由TVB過檔HKTV再回巢,更加係寫過《導火新聞線》嘅潘漫紅再次為TVB執筆嘅作品。以兒科醫院為背景,希望唔會又係《白色強人》呢類權鬥醫生劇。

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!