193自嘲垃圾 幫唔到胞妹入圍《造星IV》

星島日報相片
星島日報相片

【星島日報報道】ERROR透露每日會輪流參與奧運節目,193爆肥仔因要拍MV而要兄弟頂足4日廠期,笑他走紅後變囂張;保錡即笑說:「我幫到你呀!我係香港攝時間之王!」肥仔解釋因要跟姜濤拍攝合唱歌MV,更保證是香港近年未出現過的曲風;阿Dee即笑問:「教堂 ?」193續問:「《愛是不保留》 呀?」眾人即席合唱《主能夠》,笑爆全場!

談到妹妹郭嘉盈參選《全民造星IV》,193自爆有叫花姐造馬讓妹妹入圍,但估計妹妹不入圍。他說:「阿妹事前有告訴我,我叫她唔好搞咁多 ,阿妹辭了Big4的工作來參賽,可能唔知阿哥垃圾,做193阿妹冇用,要做魯庭暉(高層)個妹先有用,哈哈!不過已有大品牌搵阿妹拍廣告,希望之後搵埋我!」肥仔爆193曾叫自己教阿妹跳舞,但他認為應由「形體大師」193親自教授。笑問193會否教阿妹重現經典表演《大懶堂》或斷手?他笑說:「斷手就唔好!要使十幾萬 !」

阿Dee同樣認為女友文芊澄不入圍,皆因今年競爭激烈,笑說:「想叫花姐開隊『湊人數練習生』,起碼家屬都有謝禮!」193即謂若兩個家屬都不入99強,阿Dee便辭職。保錡指肥仔有份為《造星IV》「選妃」,但只是「有位就坐」幫忙教跳舞,沒生殺大權!

文:彭形影 圖:羅安強、錢文坤

■193(右1)與阿Dee(左2)都估計胞妹及女友無法入圍。

■肥仔錯手將球打向高層魯庭暉後,即時跪地認錯。

■魯庭暉(右3)甫上台即指 肥仔,並開玩笑說「換人」。

娛樂