嫲嫲都唔知︱陳家樂向連詩雅求婚成功 瞞晒全世界

2年地下情修成正果!陳家樂船P求婚 連詩雅感動Say Yes
2年地下情修成正果!陳家樂船P求婚 連詩雅感動Say Yes

藝人陳家樂同連詩雅(Shiga)地下情玩足2年,早係圈中公開嘅「秘密」,2人愛得甜蜜,即使去年曾傳港姐黃嘉雯介入,但都無損感情,最近仲拍住上情侶檔拍劇,感情升溫,終迎來好消息!有指佢哋不但一早融入家中,見晒雙方家長同朋友,近日更有傳陳家樂求婚成功,準備同Shiga拉埋天窗!

有指日前陳家樂約埋成班朋友同Shiga出海釣墨魚,可惜當日天氣不似預期一直落雨,不過見男友一早Book好晒船,身為廿四孝女友嘅Shiga唔想浪費對方一番心機,都繼續照行程出發,好彩釣墨魚之旅如期進行,事關原來好戲在後頭,當Shiga去完洗手間返上船艙一刻,陳家樂就攞住戒指求婚,場面浪漫,Shiga亦被其誠意打動,答應求婚,相信對即將於月底(29日)34歲生日嘅Shiga嚟講,升呢「準陳太」就係最好嘅生日禮物!

東網致電陳家樂,他並冇否認求婚成功一事,只表示交由公司回應,而其經理人霍汶希(Mani)則指稍後會一併回應。

陳家樂同連詩雅拍拖向來係公開嘅秘密。
陳家樂同連詩雅拍拖向來係公開嘅秘密。
2人愛得甜蜜,打風都打唔甩。
2人愛得甜蜜,打風都打唔甩。
有指陳家樂日前求婚成功。
有指陳家樂日前求婚成功。
連詩雅升呢「準陳太」!
連詩雅升呢「準陳太」!

陳家樂之後回應傳媒,承認已跟連詩雅訂婚:「多謝大家關心,我哋訂婚啦,收到好多朋友既祝福,好感恩!但係結婚日子未有確實嘅計劃,因為我哋大家手頭上仍然有好多工作要專注完成先,結婚嘅計劃同籌備都需要好多精神同時間,所以暫時先放下,遲啲有好消息一定同大家分享。」據知,家樂今次求婚保密工夫做到足,只有老闆楊受成和Mani等人知,連屋企人也蒙在鼓裏,連最錫他的嫲嫲也是看新聞才發現,搞到要跟嫲嫲解畫,認真瞞晒全世界。而連詩雅有回應了跟家樂訂婚一事。

連詩雅閨蜜黃翠如對於好友就快嫁人,她開心地說:「我知道呀!好為佢哋開心,佢哋係好可愛同好靚的一對!等待他們的婚禮中!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能