2個半月差距︱炎明熹入圍百大美女 再戰姚焯菲
美國電影評論網站TC Candler舉辦嘅「全球百大帥哥美女」排行榜日日新鮮日日甘,上月初年僅15歲、有「國民初戀」之稱嘅姚焯菲(Chantel)成功入圍「百大美女」,隨時做「最年輕美女」,不過依家佢有勁敵喇,因為近日17歲「聲夢小花」炎明熹(Gigi)都入圍,加上外敵、組合MIRROR成員Stanley嘅女友李炘頤(Alina)入圍,今次Chantel一挑二,勝算都仲未知。而去年Chantel同Gigi喺歌唱選秀《聲夢傳奇》入面鬥到難分難解,節目中Gigi摘下人氣王及冠軍,今次鬥靚,睇嚟佢兩個都要喺另一比賽場上再一戰高下。