雅虎香港新聞 2021年日本人票選最想居住日本城市 邊個城市第9度奪冠？
去日本居住係唔知幾多香港人嘅夢想，不過大家又知唔知日本人自己又最鍾意日本邊個城市？日本調查公司每年都會由日本人票選「最想居住的日本城市」，2021年排行榜正式公佈，其中沖繩那霸、京都排名都有上升，原因竟然係因為疫情期間遊客減少，令城市空間增加。至於頭三位，分別如下：
第三位：東京都港區
連續第三年得到季軍嘅港區，為日本最重要商業區之一，由於有大量公司辦公室，加上區內有六本木、台場等高級住宅，成為日本人理想居住地。
第二位：北海道札幌
札幌為連續第二年得到亞軍，日本人喜歡札幌因為其擁有極多綠化空間，單單公園就有2,741座，為全國之冠，另外一年四季都有不同慶典，例如雪祭，令居民感受到無盡節日氣氛。
第一位：神奈川橫濱
從2005年開始至今已經第9次奪冠！呢個海港城市有高度發展之餘同時保留大量郊區地帶，生活費比東京便宜而交通亦十分便利，四通八達，最重要係教育發展極佳，擁有25座大學，難怪成為日本人理想定居地！
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
香港好去處-潮人-文青-太子-旅行-插畫展-深水埗-cafe
