2024法國小姐冠軍出爐！百年來首名短髮佳麗惹爭議

2024年法國小姐（Miss France）選美總決賽結果已於12月17日出爐，由20歲吉勒（Eve Gilles）勇奪冠軍，不過由於佢留有一頭極短髮，中性造型惹起爭議。

法國小姐決賽由5千名現場觀眾及7名評審團投票決定，評分各佔一半，縱然吉勒於觀眾投票中僅得第三名，但就成功喺評審團身上取得票數，加總兩者票數後成為冠軍，亦係法國小姐舉辦103年來首名以短髮造型贏得后冠嘅佳麗。吉勒來自於北加來海峽（Nord-Pas de Calais），於里爾大學修讀數學和統計系，夢想係成為統計學家。

大會宣布結果後，惹來唔少負評，部分網民批評吉勒身材及短髮造型，認為佢唔似一個法國小姐應有嘅模樣，又指選美比賽變成一場基於包容性嘅覺醒比賽。不過，都有部分網民反擊，指唔明點解選美要扯上覺醒文化。然而，吉勒於發表感言時表示：「我們睇慣漂亮嘅長髮女孩，但我選擇咗中性嘅短髮造型」，又指要維護獨立女性嘅價值觀，自己唔在乎其他人睇法，表示：「所有人都唔係完美，每位女性都係唯一。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！