21年前政府宣傳片昏迷至今「李太」現身 笑言醒返好耐已唔係李太

政府2002年一段呼籲切勿超速駕駛嘅宣傳片段先播出兩夫婦嘅溫馨日常，後突然插入多張撞車照片，配上旁白「2002年7月9日，李先生因超速駕駛引致車禍，令妻子昏迷至今」，開放式結局令人對片中主角感到好奇及印象深刻。男主角「李生」張滿源因為近年拍攝ViuTV劇集及電影為人熟識，又有於電影《死屍死時四十四》飾演死屍施先生。至於昏迷至今嘅「李太」時不時就被問候，近日有網民發帖詢問「李太」近況時，竟獲「李太」本尊現身回覆。

「李太」 真名係Celina Fong（方思蓮），佢就留言回應帖文，笑言已經醒返好耐：「嘩，咁快已經21年。醒返好耐，不過已經唔係李太，多謝大家關心！」，又表示差唔多每年都有人cap圖通知佢一次，個廣告同美源髮彩有得揮。方思蓮1999年擔任模特兒，拍過不少報章雜誌、港產電影及曾與羅家英哥拍攝「活絡油」廣告，其中電影《五個墮落的男女》 更是領銜主演，與李璨琛、梁焯滿合作。然而，原來方思蓮早於2014年結婚並育有三子，不時會於Facebook分享與兒子嘅旅行照，生活美滿幸福。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！