有時見到人哋日本啊、台灣啊有咁多比心機做飲食嘅人，都真係幾羨慕～香港唔係冇，少啲囉！其中一個小編好欣賞嘅，就係「Phoebe’s Kitchen」嘅創辦人 Phoebe！適逢中秋節，佢最近獨創咗款「 威靈頓月餅 」，係啊你冇睇錯，威靈頓牛肉果個威靈頓～

#全港首創 威靈頓月餅

依款咁特別嘅月餅，採用咗英國名菜威靈頓牛柳嘅基本材料，例如牛柳、巴馬火腿、鮮製磨菇醬等等～外型十足十我哋平時食開嘅傳統月餅，用嚟打卡、送禮都好適合！

為咗確保產品品質，威靈頓月餅需要冷凍儲存，唔可以直接進食！店家建議要用焗爐整，最底限道都要用氣炸鍋～焗完之後，一切開餅皮就可以見到呈粉紅色嘅鮮嫩牛柳，肉汁仲好飽滿添！

#22歲創辦人Phoebe威水史

除咗款威靈頓月餅夠創新同吸引之外，小編都想介紹下創辦人 Phoebe～佢為咗提升廚藝，休學一年，然後去咗凱悅酒店集團任職廚師助理～同時著手建立品牌，由挑選食材、產品生產程序到包裝等等，都一手一腳做晒！真係好叻女！

相信大家睇完相之後，都好想試下依款特色月餅，如果你哋有興趣知道更多資料，或者想同店家查詢，可以去依個網址睇睇～https://bit.ly/3E4w2TM

圖片及資料來源：Phoebe’s Kitchen Facebook & Phoebe’s Kitchen Instagram

延伸閱讀

【奇華餅家超強聯乘！LINE FRIENDS超萌奶皇月餅禮盒！】

【假日打卡放鬆之選！深水埗3間文青風cafe！】

The post 22歲中大女生獨創！中秋必試全港唯一威靈頓月餅！真係好特別！ appeared first on Beauty 女生專屬｜GOBA.