【24小時照顧】兩女黐媽媽惹老公投訴 張嘉兒:我不知幾enjoy

小朋友成長永遠是父母最珍貴的記憶,但子女太黐身,爸媽覺得sweet定煩惱?育有兩名女兒的前港姐張嘉兒就被老公「投訴」她搞到兩個女好黐身,張嘉兒就指因為呢個係「用時間、心機同埋愛去建立嘅關係」。

 

張嘉兒經常在社交網分享育兒心得,最近她就表示「我老公成日話我搞到兩個女好黐身,“Too attached to the mom”,好似係一件壞事咁。」

 

張嘉兒與老公Nathan婚後建立一家四口。(圖片:IG@張嘉兒)
張嘉兒與老公Nathan婚後建立一家四口。(圖片:IG@張嘉兒)

 

「冇人可以取代!」

兩個女兒尚幼,大女Leora接近6歲,細女Hannah 3歲,所以指定要阿媽接返學、接放學、沖涼、刷牙、陪瞓覺、陪玩陪、讀書,基本上24小時全天候服務。不過張嘉兒就話:「我不知幾enjoy,我覺得呢個係用時間心機同埋愛去建立嘅關係,冇人可以取代。」

 

她又明白老公背後意思:「當然我知道我老公係想佢哋冇咁倚賴我,等我可以多啲me time,或者其他人可以幫到我手照顧佢哋,不過我覺得做多幾年,佢哋就一定冇咁黐住父母㗎啦,所以我好珍惜而家嘅時間,好好相處,製造好多好多嘅回憶。」

 

(圖片:IG@張嘉兒)
(圖片:IG@張嘉兒)

 

身為正面管教工作坊認證講師的張嘉兒提醒媽媽網友要在Me timeMom time取得平衡。有網民表示認同,「小朋友最幸福係每日24小時都可以有Mami陪伴」、「得益係你先感受到」、「呢段時間係最珍貴的,過咗就冇囉,珍惜同享受吧。」

 

(圖片:IG@張嘉兒)
(圖片:IG@張嘉兒)

 

(圖片:IG@張嘉兒)
(圖片:IG@張嘉兒)

 

唔知張嘉兒的心聲同大家相似嗎?

 

 

 

《親子頭條》多元化介面方便家長接收最新育兒資訊
 讚好《親子頭條》Facebook 專頁

 追蹤《親子頭條》Instagram

 登記成為《親子頭條》會員

 

 

 

 

想追蹤更多最新最好的親子資訊?請瀏覽我們 親子頭條專頁

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能